Almatyda biyl «Almaty jastary» tūrǧyn üi baǧdarlamasyna 6 626 ötınım qabyldandy, dep habarlaidy "Adyrna" ūlttyq portaly.
Būl turaly qalalyq kommunaldyq infraqūrylym jäne tūrǧyn üi inspeksiiasy basqarmasy habarlady.
Vedomstvonyŋ mälımetınşe, baǧdarlama aiasynda 3 040 qatysuşyǧa joldama berılgen. Onyŋ ışınde 2 168 almatylyq jeŋıldetılgen nesie alyp, baspana satyp aldy. Sonymen qatar jūmysşy jastarǧa arnalǧan jaldamaly tūrǧyn üi beru jalǧasuda.
Biyl jeŋıldık sanatyndaǧy 48 azamatqa bastapqy jarnanyŋ bır bölıgın öteuge arnalǧan tūrǧyn üi sertifikattary tegın berıldı. Berılgen kömektıŋ jalpy somasy – 72 mln teŋge.
Sonymen bırge qalada jaldamaly tūrǧyn üidı subsidiialau mehanizmı ıske asyrylyp keledı. Baǧdarlama boiynşa erekşe qajettılıgı bar adamdarǧa, köpbalaly otbasylarǧa jäne jetım balalarǧa jaldau aqysynyŋ 50%-yna deiın subsidiia qarastyrylǧan. Operator – «Otbasy bank» AQ, ötınımder onlain qabyldanady. Biyl subsidiia alyp otyrǧan 639 jalǧa aluşynyŋ päterıne tekseru jürgızıldı.
