«Qazaqstan zaŋgerler odaǧy» respublikalyq qoǧamdyq bırlestıgınıŋ töraǧasy Serık Aqylbai Konstitusiialyq komissiianyŋ besınşı otyrysynda Ata zaŋǧa engızuge ūsynylǧan özgerısterdıŋ kölemı men tereŋdıgı qoldanystaǧy qūjatqa tüzetu ǧana emes, şyn mänınde jaŋa Konstitusiiany qabyldau turaly söz qozǧauǧa mümkındık beredı degen pıkır bıldırdı.
Serık Aqylbaidyŋ aituynşa, tüzetulerdıŋ būl jobasy konstitusiialyq qūrylystyŋ ırgelı negızderın qozǧaityn normalardyŋ aitarlyqtai jiyntyǧynan tūrady.
Atap aitqanda, jaŋa institusionaldyq arhitektura qalyptasuda: bır palataly Parlament, Halyq keŋesı, Ükımet qyzmetınıŋ, sot jüiesı men qūqyq qorǧau tetıkterınıŋ jaŋartylǧan modelderı.
«Ūsynystardyŋ auqymy men tereŋdıgın saralai kele qoldanystaǧy Konstitusiianyŋ jaŋa redaksiiasy turaly emes, şyn mänınde jaŋa Ata zaŋ turaly aitqan jön dep sanaimyn», – dedı Serık Aqylbai.
Onyŋ aituynşa, bügınde memleket pen qoǧamnyŋ basqaru tiımdılıgıne, qūqyq aiqyndylyǧy men adam qūqyqtaryn qorǧauǧa qoiatyn talaby joǧary. Osyǧan bailanysty respublikada bilıktı ūiymdastyru negızderı özgerıp, jaŋa instituttar qalanuda. Osylaişa, bız Qazaqstannyŋ konstitusiialyq damuynyŋ sapaly jaŋa kezeŋı turaly aityp otyrmyz.
Sonymen qatar ol jaŋa Konstitusiia memlekettılıktıŋ negızgı qūndylyqtarynyŋ tolyq sabaqtastyǧyn jäne jinaqtalǧan qūqyq qoldanu täjıribesın eskere otyryp, olardyŋ däiektı damuyn qamtamasyz etetının atap öttı.
Sondai-aq Serık Aqylbai Konstitusiiada dındı memleketten böludı tıkelei bekıtu boiynşa jiyntyq jobaǧa nätijesınde engen ūsynysyn eske saldy.
«Qazaqstan aumaǧyndaǧy dıni ūiymdardyŋ qyzmetı zaŋǧa säikes jüzege asyrylatynyn jäne konstitusiialyq qūrylystyŋ negızderın qorǧau, ūlttyq qauıpsızdıktı qamtamasyz etu, qoǧamdyq tärtıptı, adamnyŋ qūqyqtary men bostandyqtaryn, halyqtyŋ densaulyǧyn, qoǧamnyŋ ruhani-adamgerşılık qūndylyqtaryn qorǧau maqsatynda şekteluı mümkındıgın qosymşa bekıtu qajet dep sanaimyn. Mūndai tolyqtyrular ideianyŋ tüpkı mänın aşady», – dedı ol.
Sonymen bırge ol advokaturanyŋ märtebesıne qatysty normany qosymşa pysyqtaudyŋ maŋyzyn atap öttı.
«Tūjyrymdamalar barynşa salmaqty jäne azamattardyŋ qūqyqtary men bostandyqtaryn qamtamasyz etu mındetterıne tolyq säikes keluı üşın älı de jūmys jasau kerek», – dedı Serık Aqylbai.
Jalpy, ol Komissiia dūrys baǧytta jūmys atqaryp jatyr degen pıkır bıldırdı.
