Konstitusiialyq komissiianyŋ besınşı otyrysynda jüielı dialogtyŋ ornyqty alaŋyna ainaluǧa tiıs Halyq keŋesın qūru jönındegı bastamalar talqylandy. Soltüstık Qazaqstan oblysy mäslihatynyŋ töraǧasy Vladimir Bubenkonyŋ aituynşa, jaŋa organnyŋ qyzmetı qoǧam men bilık arasyndaǧy senımdı nyǧaituǧa, aşyq talqylau jäne şeşımderdı bırlesıp ızdeu mädenietın damytuǧa baǧyttalǧan.
«Halyq keŋesı zaŋnamalyq bastama qūqyǧyna jäne respublikalyq referendum ötkızu turaly ūsynys jasau mümkındıgıne ie bolady. Onyŋ märtebesı men ökılettıgın Konstitusiialyq deŋgeide bekıtu ūsynylady. Būl ony bırden memlekettık bilıktıŋ jüie qūrauşy institutyna ainaldyrady», – dep atap öttı Vladimir Bubenko.
Ol Halyq keŋesın qūru konstitusiialyq reformanyŋ ruhy men logikasyna säikes keletının atap öttı. Būl normalar tıptı qoǧamdy memlekettık basqaru prosesterıne keŋınen tartudyŋ qūqyqtyq negızıne ainaldy.
Sondai-aq, spikerdıŋ aituynşa, konstitusiialyq qūndylyq retınde tabiǧatqa ūqypty qarau mäselesı de erekşe maŋyzǧa ie.
«Konstitusiia deŋgeiınde ekologiialyq jauapkerşılık qaǧidattaryn bekıtu ornyqty damuǧa degen qoǧamdyq sūranysty körsetedı jäne ömır süru jaǧdaiyn saqtauǧa degen ūjymdyq jauapkerşılık mädenietın qalyptastyrady. Ekologiialyq qorǧau öz mänı boiynşa qoǧamdy jäne onyŋ ūzaqmerzımdı müddelerın qorǧaudyŋ nysany», – dep atap öttı Mäslihat töraǧasy.
Sonymen qatar, Vladimir Bubenko Halyq Keŋesınıŋ Qazaqstan halqy assambleiasynyŋ etnosaralyq jäne konfessiiaaralyq kelısımdı qamtamasyz etu, ışkı saiasat pen memlekettık ideologiia boiynşa ūsynystar daiyndau jönındegı funksiialaryn öz moinyna alatynyna da toqtaldy.
«Saiyp kelgende, Halyq keŋesı qoǧamdyq senım institutyna ainalady. Ol azamattar men memleket arasyndaǧy kerı bailanysty qamtamasyz etedı, ärtürlı äleumettık jäne etnikalyq toptardyŋ müddelerın kelıstırıp, qabyldanatyn şeşımderdıŋ zaŋdylyǧyn arttyrady. Jalpyhalyqtyq referendumda jaŋa Konstitusiia qabyldaǧan jaǧdaida Halyq keŋesı Qazaqstan azamatynyŋ ärbır sözı eskerıletın erekşe platformaǧa ainalady», – dedı Vladimir Bubenko.
