Qazaqstanda jaŋa Konstitusiia qabyldau qajet. Būl turaly zaŋ ǧylymdarynyŋ kandidaty, PhD Almas Jūmaǧali elımızdıŋ qūqyqtyq jüiesın jetıldıruge qatysty ötken jiynda aitty, dep habarlaidy “Adyrna” ūlttyq portaly.
Döŋgelek üstelge qatysuşylar memlekettık bilık mehanizmınde Konstitusiialyq Sotty qūru bilıktıŋ bölınu prinsipıne, konstitusiialyq prosestıŋ üzdıksızdıgı men qaitymsyzdyǧyna, memlekettık organdardyŋ qoǧam men halyq aldyndaǧy jauapkerşılık alatynyna kepıldık beretının aitty. Sondai-aq azamattar men basqa da qūqyq subektılerıne qūqyqtary būzylǧan jaǧdaida tıkelei qorǧauǧa mümkındık beretının jetkızdı.
Zaŋger Almas Jūmaǧalidyŋ aituynşa, Qazaqstan Respublikasynyŋ qūqyqtyq jüiesın jetıldıru mäselesıne kelgende özgerısterdı aldymen Konstitusiiadan bastau kerek.
«Saiasi reformanyŋ eŋ bastysy – Konstitusiiaǧa özgerıs engızu. Tıpten jaŋa Konstitusiia qabyldau qajet. Prezidenttıŋ 16 nauryzdaǧy «Jaŋa Qazaqstan: Jaŋaru men jaŋǧyru joly» joldauynda aitqan şeşımderı, bastamasy dūrys. Bıraq söz küiınde qalmai, jūmys toby tez arada özgerısterdı Konstitusiialyq zaŋdardan bastap engızuı kerek. Konstitusiialyq sottyŋ qaita qalypqa keluı öte dūrys. Sonda halyq oiyn aşyq aita alady. Sonymen qatar elımızde majoritarlyq jäne proporsionaldy sailau jüielerı qatar boluy kerek. Prezident majoritarlyq jüienı 30 paiyz engızıp jatyr, bıraq tübınde elude elu boluy kerek degen ūsynys aityldy», – dedı Suleiman Demirel atyndaǧy universitettıŋ aǧa oqytuşysy.
Talqylauǧa qatysqan zaŋgerler qoldanystaǧy zaŋdy jetıldırgende öz qūqyqtaryn jüzege asyruda köptegen qiyndyqtarǧa tap bolyp otyrǧan azamattardyŋ qūqyqtary men bostandyqtary turaly blokqa erekşe nazar audaru qajet ekenın atap öttı.
«Qūqyq üstemdıgı institutynyŋ» sarapşysy, zaŋ ǧylymdarynyŋ doktory Leila Janūzaqova oblys äkımderın tıkelei sailau turaly ūsynysyn aitty.
«Qoǧam oblys äkımderın de tıkelei sailaudy talap etedı. Pilottyq joba retınde Qazaqstannyŋ bır oblysynda sailau ötkızu kerek. Bıraq ümıtkerler saiasi partiialardyŋ ūsynysymen ǧana emes, qoǧamdyq bırlestıkterdıŋ de qatysuymen, sondai-aq özın-özı ūsynu arqyly da qatysuy tiıs. Būl tıkelei demokratiia institutynyŋ qalai jūmys ısteitının köru üşın qajet», – dedı professor.
Şara Suleiman Demirel atyndaǧy universitet pen «Qūqyq üstemdıgı instituty» ūiymynyŋ ūiymdastyruymen öttı.
“Adyrna” ūlttyq portaly
