«AMANAT» partiiasynda sifrlyq damu jäne jasandy intellekt mäselelerı jönındegı respublikalyq partiialyq keŋestıŋ keŋeitılgen otyrysy öttı.
Otyrystyŋ negızgı taqyryby – Sifrlandyru jäne jasandy intellekt jylynyŋ basymdyqtaryn jüzege asyru, sondai-aq memlekettı sifrlyq tūrǧyda jaŋǧyrtu jäne azamattardyŋ sifrlyq sauatyn arttyru boiynşa naqty qadamdar jasau. Talqylau barysynda IT-qoǧamdastyq partiialastardyŋ el aumaǧyndaǧy är audanda öz IT-habyn qūru ideiasyna qoldau bıldırdı.
Kezdesuge qatysuşylar Prezident öz Joldauynda jäne Ūlttyq qūryltaidyŋ V otyrysynda barlyq salada innovasiialyq sifrlyq şeşımder men jasandy intellektını engızu boiynşa auqymdy mındetter qoiǧanyn atap öttı.
Öz kezegınde, Mäjılıs Spikerı, «AMANAT» partiiasynyŋ Töraǧasy Erlan Qoşanov partiia Prezident saiasatyn jüzege asyru ısıne belsendı atsalysyp kele jatqanyn atap öttı. Bügınde elımız sifrlandyru baǧytynda joǧary körsetkışterge qol jetkızdı – BŪŪ indeksıne säikes, Qazaqstan elektrondyq ükımettı damytu deŋgeiı boiynşa 24-orynda tūr.
«Sifrlandyru men jasandy intellekt – tek salalyq mäsele ǧana emes, tūtas eldıŋ damuyna yqpal etetın auqymdy, serpındı baǧyt. Memleket basşysynyŋ özı būl saladaǧy ırgelı ısterge tıkelei bastamaşy bolyp, erekşe baqylauynda ūstap otyr. Jaŋa sifrlyq tehnologiialar men jasandy intellekt halqymyzǧa, elımızdıŋ bolaşaǧyna jūmys ısteuı kerek. Är azamat, är otbasy, küllı qoǧam onyŋ paidasyn sezınuı qajet. «AMANAT» partiiasy Prezidentımızdıŋ qoǧamdyq-saiasi tıregı retınde osy jūmystyŋ aldyŋǧy şebınde jüruge tiıs», – dedı ol.
Mäjılıs Spikerı «AMANAT» partiiasy jaŋa sifrlyq mädeniettı qalyptastyruǧa baǧyttalǧan bırqatar bastamany jüielı jüzege asyryp jatqanyn atap öttı. Atap aitqanda, «Sifrlyq qoǧam» jobasy elımızdıŋ barlyq öŋırın qamtyp, sifrlyq sauattylyqty arttyruǧa, sondai-aq azamattardy sifrlyq tehnologiialardy kündelıktı ömırde qauıpsız ärı sanaly türde qoldanuǧa üiretu baǧytynda qolǧa alynyp otyr. Joba aiasynda tūrǧyndardyŋ äleumettık tūrǧyda osal tobyna –zeinetkerlerge, köpbalaly analarǧa, jūmyssyz azamattarǧa jäne erekşe qajettılıgı bar adamdarǧa erekşe nazar audarylady.
Ötınışterdı öŋdeudıŋ bıryŋǧai sifrlyq jüiesın engızu jäne keŋes beru maqsatynda chat-bottardy paidalanu arqyly «Qaryzsyz qoǧam» jobasy tyŋ serpın aldy. Tek byltyrdyŋ özınde būl joba aiasynda 800 myŋnan astam adam oqudan ötıp, zaŋgerlık qoldau körsetıldı.
Sonymen qatar «AMANAT» partiiasy fraksiiasynyŋ deputattary Sifrlyq kodeks pen «Jasandy intellekt turaly» Zaŋ äzırleuge bastamaşy boldy. Būl qūjattar Qazaqstanǧa jasandy intellektını, platformalyq ekonomikany jäne auqymdy derektermen jūmys ısteudı damytu üşın zamanaui qūqyqtyq negız qalyptastyruǧa mümkındık berdı.
Talqylau barysynda qatysuşylar «AMANAT» partiiasy sifrlyq tehnologiialar men jasandy intellektını engızu ısınde memleket, qoǧam, sarapşylar men biznestıŋ küş-jıgerın bırıktıruge tiıs ekenın atap öttı. Osy maqsatta partiia janynan sifrlyq komissar pozisiiasynqūru turaly ūsynys aityldy. Būl lauazymǧa Mäjılıs deputaty Ekaterina Smyşliaeva ūsynyldy.
Mūndai qoǧamdyq lauazym sifrlyq ortada azamattardyŋ qūqyǧyn qorǧau tetıgıne ainalyp, jaŋa sifrlyq jaǧdaida ärdaiym adam jaǧynda bolady. Sifrlyq komissar elımızdıŋ barlyq öŋırınde IT salasyndaǧy daryndy jastardy qoldau jūmysyn üilestırıp, şalǧai auyldardy internetpen qamtu barysyna baqylaudy küşeitedı.
Öz kezegınde, Premer-Ministrınıŋ orynbasary – Jasandy intellekt jäne sifrlyq damu ministrı Jaslan Mädiev memlekettık jäne qarjy sektorlaryndaǧy sifrlyq transformasiianyŋ joǧary qarqynyn atap öttı. Ol tūrǧyndardyŋ sifrlyq sauatyn arttyru maqsatynda Jasandy intellekt ministrlıgı men Astana Hub el aumaǧynda oqytu kursyn ötkızuısınde partiiaǧa qoldau körsetuge äzır ekenın mälımdedı.
Otyrys barysynda bırqatar mazmūndy ūsynys aityldy. Mäselen, halyqaralyq IT-sarapşy Andrei Biklemişev sifrlandyru eŋ aldymenderekter sapasy men kadrlyq äleuetke tıkelei täueldı ekenın atap ötıp, öŋırlerde älı de derekterdı qolmen engızu täjıribesı men maman tapşylyǧy saqtalyp otyrǧanyna nazar audardy. Qazaqstannyŋ IT-qauymdastyǧynyŋ töraǧasyAiymgül Äbılova investisiialyq ahualdy jaqsartu üşın memlekettık-jekemenşık ärıptestık tetıkterın keŋeitu jäne saladaǧy ekonomikalyq daulardy qylmystyq sipattan aryltu qajetekenın aitty. Qostanai oblysy aqparattandyru basqarmasynyŋ basşysy Azamat Kaşievtıŋpıkırınşe, qalalardaǧy ırı özgerıster aldyn ala sifrlyq ortada modeldenıp, öŋırdıŋ bıryŋǧai sifrlyq arhitekturasyna engızıluı qajet. Solai bola tūra, «aqyldy qalalar» men «aqyldy öŋırler» tūjyrymdamalary är aumaqtyŋ erekşelıgın eskerıp, beiımdeuge bolatyn ülgılık sifrlyq şeşımder kıtaphanasyna süienuge tiıs.
Kezdesu qorytyndysy boiynşa Qazaqstanda sifrlandyru men jasandy intellektını damytuǧa qosqan ülesı üşın partiia müşelerıne, serıktester men sarapşylarǧa alǧys hattar tabystaldy.
Is-şaraǧa Mäjılıs deputattary, salalyq vedomstvolardyŋ ökılderı, sarapşylar jäne sifrlyq jobalardyŋ jetekşılerı qatysty. Onlain formatta öŋırler men partiia filialdarynyŋ ökılderı talqylauǧa qosyldy.
