Aqmola oblysy Qosşy qalasynyŋ qoǧamdyq mädeni-sport keşenınde ötken horeografiia sabaǧy kezınde 10 jastaǧy oquşy qyz köz jūmdy, dep habarlaidy "Adyrna".
Sabaq üstınde balanyŋ kenetten jaǧdaiy naşarlaǧan. Janyndaǧylar bırden jedel järdem şaqyrǧanymen, balanyŋ ömırın saqtap qalu mümkın bolmady.
Aqmola oblystyq Densaulyq saqtau basqarmasynyŋ mälımetınşe, 29 qaŋtar künı saǧat 16:18-de Qosşy qalasynan №152 jedel järdem qyzmetıne şaqyrtu tüsken. Şaqyrtudyŋ sebebı – balanyŋ basy auyryp, jüregı ainyǧan.
"Qoŋyrau şaluşynyŋ aituynşa, jaraqat bolmaǧan, dene qyzuy köterılmegen, qūrysyp qalu/qaltyrau belgılerı baiqalmaǧan. Ömırıne tıkelei qauıp töndıretın belgıler bolmaǧandyqtan, şaqyrtu törtınşı jedeldık sanatyna jatqyzyldy. Şaqyrtu 16:34-te qabyldanyp, sol sätte mobildı brigadaǧa joldandy. Brigada 16:35-te jolǧa şyǧyp, 16:37-de oqiǧa ornyna jettı", – dep habarlady vedomstvo.
Alaida arada az uaqyt ötken soŋ balanyŋ jaǧdaiy kürt naşarlaǧany jönınde qaita qoŋyrau tüsken. Osyǧan bailanysty şaqyrtu ekınşı jedeldık sanatyna auystyrylyp, №4 brigadaǧa tapsyrylǧan.
"Anasynyŋ aituynşa, bala bronhialdy demıkpemen (astma) auyratyn bolǧan. Jedel järdem brigadasy jetken sätte balany anasy men äpkesı qoldaryna köterıp, jedel järdem kölıgıne jetkızgen. Osyǧan bailanysty därıgerler dereu reanimasiialyq şaralardy jasady. Alaida tekseru nätijesınde jedel järdem kelgenge deiın biologiialyq ölım tırkeldı. Ölımnıŋ naqty sebebı äzırge belgısız", – dedı medisina qyzmetkerlerı.
Aqmola oblystyq Polisiia departamentınıŋ baspasöz qyzmetı kämeletke tolmaǧan balanyŋ qazasy Qosşy qalasynyŋ Polisiia bölımınde tırkelgenın mälımdedı.
"Qazırgı taŋda oqiǧanyŋ barlyq män-jaiyn anyqtauǧa baǧyttalǧan tergeu amaldary jürgızılıp jatyr. Aldyn ala berılgen mälımet boiynşa, sabaq barysynda balanyŋ densaulyǧy kürt naşarlaǧan. Tekseru nätijesıne säikes prosessualdyq şeşım qabyldanady", – dep habarlady polisiia departamentı.
