Tūŋǧyş prezident Nūrsūltan Nazarbaevtyŋ qaryndasy Änipa Nazarbaevaǧa qatysy bar kompaniia elımızdegı eŋ ırı salyq boryşkerlerı tızımıne endı, dep habarlaidy «Adyrna» tılşısı tengrinews.kz-ke sılteme jasap.
Qazırgı taŋda kompaniianyŋ qaryzy 92 mlrd teŋgeden asady.
«2026 jylǧy 1 qaŋtardaǧy jaǧdai boiynşa "GROUP OF THE COMPANIES TDA" JŞS-nıŋ salyq jäne biudjetke tölenetın basqa da mındettı tölemder boiynşa bereşegı - 92 307 598 myŋ teŋge»,-dedı Memlekettık kırıster komitetı.
Komitet ökılderı kompaniianyŋ özın bankrot dep tanu turaly sotqa talap-aryz bergenın mälımdedı. Būl talap-aryz boiynşa şeşım qazır sottyŋ qarauynda.
2026 jylǧy 1 qaŋtardaǧy eŋ ırı salyq boryşkerlerınıŋ top-5 tızımı Änipa Nazarbaevaǧa qatysy bar kompaniia eŋ ırı salyq boryşkerlerı "anti-reitingınde" "qūrmettı" üşınşı oryndy ielendı:
Ai-To Progress JŞS – Däuren Moldaǧaliev – 111,6 mlrd teŋge;
Alpha-bet (Alfa-Bet) JŞS – Velora Group LTD – 95,1 mlrd teŋge;
GROUP OF THE COMPANIES TDA JŞS – Äli Klyşpaev, Änipa Nazarbaeva – 92,3 mlrd teŋge;
”OLIMP KZ" bukmekerlık keŋsesı JŞS – Anarbek Jauyrov – 85,6 mlrd teŋge;
GB Invest JŞS – Faiez Nadjib – 47,2 mlrd teŋge.
2025 jylǧy şıldede «GROUP OF THE COMPANIES TDA» JŞS Qytaidan tauardy zaŋsyz äkelgenı jäne salyq töleuden jaltarǧany üşın kınälı dep tanylǧan. Almaty boiynşa QMA departamentı kompaniianyŋ uäkılettı ekonomikalyq operator märtebesıne ie bola tūra, Qytaidan 100-den asa konteiner tauardy zaŋsyz jolmen kırgızgenın anyqtaǧan.
Sondai-aq kompaniia qosylǧan qūn salyǧyn, korporativ tabys salyǧyn jäne keden bajdaryn tölemeu üşın öz baqylauyndaǧy 10 JŞS-nı paidalanyp, jalǧan şot-fakturalar räsımdegen. Keltırılgen zalal şamamen 10 milliard teŋge bolǧan. Sot ıs figuranttaryna 1 jyl 4 aidan 4 jyl 6 aiǧa deiın bas bostandyǧynan aiyru jazasyn taǧaiyndap, mülkın tärkılegen. Qatysuşylardyŋ bıreuı halyqaralyq ızdeuge jariialanǧan.
Tergeu barysynda kompaniia biudjetke erıktı türde 643 million teŋge qaitarǧany aityldy. Sonymen qatar, JŞS-nıŋ 1,3 mlrd teŋgege tauarlary men 300 mln teŋgege mülkıne tyiym salynǧany habarlanǧan. Būǧan qosa, taǧy 47 kontragent 240 million teŋge tölegen.
«Group of the Companies TDA» JŞS 2014 jyldan berı jūmys ısteidı. Kompaniia naqty bır baǧytqa mamandanbai, türlı tauarlardy köterme saudamen jetkızumen ainalysady. Qūryltaişylary - Änipa Nazarbaeva men Äli Qylyşbaev. Äli Qylyşbaev 2021 jyldan bastap kompaniianyŋ basşysy retınde körsetıledı.
