Şymkentte 21 jastaǧy Nūrai Serıkbaidyŋ ölımıne bailanysty küdıkke ılıngen er adamǧa taǧylǧan aiyptardyŋ bırı qataŋdatyldy. Būl turaly jäbırlenuşı taraptyŋ advokaty Serjan Nūrpeiısov aitty, dep habarlaidy «Adyrna» tılşısı.
«Is 2-bölımnıŋ 5-tarmaǧyna, iaǧni «Erekşe qatygezdıkpen jasalǧan kısı öltıruge» qaita jıkteldı», – dedı ol.
Atalǧan baptyŋ sanksiiasy boiynşa 15 jyldan 20 jylǧa deiın bas bostandyǧynan aiyrunemese mülkın tärkıleu ne onsyz ömır boiyna bas bostandyǧynan aiyru jazasy qarastyrylǧan.
Osylaişa, qazır qylmystyq ıs bırden üş bap boiynşa qaralyp jatyr:
QK 99-baby 2-bölıgınıŋ 5-tarmaǧy – «Asa qatygezdıkpen jasalǧan adam öltıru»;
QK 125-1-baby – «Nekege tūruǧa mäjbürleu»;
QK 115-1-baby – «Qudalau (stalking)».
Aita keteiık, būǧan deiın Nūrai ısı boiynşa video taratqany üşın polisiia qyzmetkerıne ıs qozǧalǧan edı.
