Almaty qalasynyŋ Almaly audandyq sotynda "Aqordany basyp aluǧa äreket jasady" degen küdıkpen aiyptalǧan bes belsendınıŋ ısı qaralyp jatyr, dep habarlaidy "Adyrna" ūlttyq portaly Vlast-qa sıltep.
Sot prosesı jabyq rejimde ötedı. Būl turaly advokat Janara Balǧabaeva habarlaǧan.
Is boiynşa belsendıler Asqar Nūrmaǧan, Abduali Taǧai jäne Düisenbek Jaqaşevke bilıktı küşpen basyp aluǧa nemese ūstap tūruǧa ügıtteu, sondai-aq zorlyq-zombylyq, qiratu äreketterımen jäne bilıkke qarsylyqpen ūştasqan jappai tärtıpsızdıkterdı ūiymdastyru jäne daiyndau aiyptary taǧylǧan. Al Qaisar Özbek pen Talǧat Aşirovqa osy aiyptardan bölek, jarylǧyş zattardy zaŋsyz satyp alu, saqtau jäne tasymaldau boiynşa qosymşa aiyp taǧylǧan.
Prokuror sotty jabyq rejimde ötkızu turaly ötınış bıldırgen. Oǧan sebep retınde kuägerlerdıŋ bırınıŋ qauıpsızdıgıne alaŋdauşylyq bıldırılgen. Sudia memlekettık aiyptauşynyŋ ötınışın qanaǧattandyrǧan.
Aiyptau aktısıne säikes, küdıktıler äreketterın josparlau üşın jasyryn kezdesuler ötkızıp, WhatsApp messendjerınde «Qairat Komanda» atty ortaq chat qūrǧan. Tergeu nūsqasy boiynşa, olar Astana qalasynda jappai tärtıpsızdık ūiymdastyryp, bilıktı basyp alu, sondai-aq Qazaqstan prezidentınıŋ rezidensiiasy – Aqordany basyp alu josparyn talqylaǧan.
Qūjattarda aiyptaluşylardyŋ 2025 jyldyŋ qaŋtarynan mausymyna deiıngı kezdesulerı men bailanystary körsetılgen.
