Atyrau oblysy Qūlsary qalasynda mektep oquşysynyŋ özge balalarǧa balta ala jügırgen sätı tüsırılgen video äleumettık jelıde keŋınen talqylanǧannan keiın atalǧan bılım ordasynyŋ direktory qyzmetınen bosatyldy. Būl turaly oqu-aǧartu ministrı Jūldyz Süleimenova aitty, dep habarlaidy "Adyrna".
Ministr öŋırge arnaiy komissiia jıberıp, mektepterdegı qauıpsızdık pen tärbie jūmysynyŋ jai-küiın teksermek.
«Basqarma ökılderı bolǧan oqiǧaǧa bailanysty atalǧan mekteptıŋ direktory qyzmetınen bosatylǧanyn habarlady. Mektepte oryn alatyn kez kelgen qūqyq būzuşylyqqa, sonyŋ ışınde balalar arasyndaǧy bulling, töbeles pen älımjettıkke basqaruşylyq tūrǧydan da, qūqyqtyq tūrǧydan da naqty baǧa berıluı tiıs», – dedı oqu-aǧartu ministrı Jūldyz Süleimenova.
Eske salaiyq, 5 aqpanda «102» arnasyna Qūlsary qalasyndaǧy mektepterdıŋ bırınde jasöspırımder arasynda janjal şyǧyp, onyŋ soŋy şabuylǧa ūlasqany turaly habar tüstı. Oqiǧa kezınde ekı oquşy jeŋıl jaraqat alǧan.
Polisiia qyzmetkerlerı 10-synyp oquşysyn ūstady. Būzaqylyq deregı boiynşa qylmystyq ıs tırkelıp, küdıktı uaqytşa ūstau izoliatoryna qamaldy. Ol ışkı ıster organdarynyŋ profilaktikalyq esebıne alyndy.
Jasöspırımnıŋ ata-anasy balany tärbieleu mındetterın tiısınşe oryndamaǧany üşın äkımşılık jauapkerşılıkke tartyldy.
