Ündıstannyŋ memlekettık Indian Oil jäne Bharat Petroleum kompaniialary, sondai-aq jekemenşık Reliance Industries reseilık mūnai jetkızuge arnalǧan jaŋa ūsynystardy qabyldaudy toqtatty. Äŋgıme nauryz–säuır ailaryna josparlanǧan partiialar turaly bolyp otyr. Būl turaly Reuters agenttıgı saladaǧy derekközderge sılteme jasap jariialady, dep habarlaidy "Adyrna".
Derekközder mälımdegendei, kompaniialar būl şeşımdı aldaǧy uaqytta da ūstanudy josparlap otyr. Būl qadamnyŋ sebebı – Ündıstan men AQŞ arasyndaǧy sauda kelısımın qoldau jäne amerikalyq tarappen ūzaq merzımdı yntymaqtastyqty küşeitu äreketı.
Sonymen qatar, köptegen basqa ündı mūnai öŋdeu zauyttary reseilık mūnai satyp aludy toqtatqan. Jetkızılımderdıŋ qaita bastaluy tek Ündıstan ükımetınıŋ rūqsatymen mümkın bolady. Mūndai rūqsat, äsırese, Euroodaq sanksiiasyna ılıkken jäne ülesınıŋ bır bölıgı «Rosneftke» tiesılı Nayara Energy kompaniiasyna berıluı yqtimal.
AQŞ prezidentı Donald Tramp 7 aqpanda ündı tauarlaryna salynǧan 25 paiyzdyq baj salyǧyn alyp tastady. Ol Niu-Delidıŋ Resei mūnaiyn «tıkelei nemese janama» importtaudy toqtatuǧa mındetteme alǧanyn atap öttı. Tramp AQŞ būl jaǧdaidy baqylauda ūstaitynyn jäne jetkızılımder qaita bastalsa tarifterdı qaita engızuı mümkın ekenın eskerttı.
Atalǧan şaralar aiasynda AQŞ pen Ündıstan ramalyq sauda kelısımıne qol qoiyp, Ündıstan bes jyl ışınde amerikalyq önımderge 500 mlrd dollar kölemınde tapsyrys beruge mındetteldı. Kelısımge energiia resurstary, ūşaqtar men aviasiialyq bölşekter, baǧaly metaldar, tehnologiialyq tauarlar jäne kömır kıredı.
2022 jyly Ukrainadaǧy soǧystan keiın Ündıstan reseilık mūnaidyŋ eŋ ırı satyp aluşysyna ainalǧan. Sol kezeŋde Batys sanksiialarynyŋ äserınen ūsynylǧan jeŋıldıkter arqasynda jetkızılım kölemı täulıgıne şamamen 2 mln barrelge jetken. Alaida keiın AQŞ pen Euroodaq qysymymen import azaiyp, Reuters deregınşe, köktemde būl körsetkış 500–600 myŋ barrelge deiın tömendeuı mümkın. Osyǧan bailanysty ündı mūnai öŋdeu zauyttary Taiau Şyǧys, Afrika jäne Oŋtüstık Amerika elderınen mūnai importyn arttyruda.
