Jambyl oblysynda 36 jastaǧy äiel besınşı qabattan ekı balasyn laqtyryp jıberdı. Qaiǧyly oqiǧa Töle Bi daŋǧylyndaǧy jataqhanalardyŋ bırınde bolǧan. Aqparatty oblystyq polisiia departamentı rastady, dep habarlaidy "Adyrna".
Aqparatqa säikes, äiel 2021 jyly tuǧan qyzy men 2023 jylǧy ūlyn terezeden laqtyryp jıbergen. Abyroi bolǧanda ekı bala da aman qaldy. Olar Jambyl oblystyq köpbeiındı balalar auruhanasyna şūǧyl jetkızıldı. Qazırgı uaqytta balalar intensivtı terapiia bölımşesınde jatyr.
Oblystyq densaulyq saqtau basqarmasynyŋ mälımetınşe, 2021 jyly tuǧan bala jabyq bas mi jaraqatyn alǧan, miy qatty ısıngen, jambas süiegı synyp, süiek bölşekterınıŋ orny auysyp ketken. Balaǧa ısınudı azaitatyn em taǧaiyndalǧan. Vedomstvo erteŋ jambas bölıgıne ota jasalatynyn mälımdedı.
2023 jyly tuǧan bala da jabyq bas mi jaraqatyn alyp, miyŋ qatty ısıngen.
Polisiia departamentı atalǧan faktı boiynşa sotqa deiıngı tergeu bastalǧanyn mälımdedı.
«Küdıktı ūstalyp, uaqytşa ūstau izoliatoryna qamaldy. Ekı kämeletke tolmaǧan bala auruhanaǧa jetkızıldı. Qazırgı uaqytta barlyq qajettı tergeu şaralary jürgızılude. Jan-jaqty jäne obektivtı tergep-tekseru nätijesı boiynşa QR zaŋnamasynyŋ talaptaryna sai prosessualdyq şeşım qabyldanady. QR QPK 201-babyna säikes, basqa mälımetter jariialauǧa jatpaidy», – dep habarlady Taraz qalasy PD baspasöz qyzmetı.
