Taraz qalasyndaǧy №40 gimnaziia aumaǧynda 10-synyp oquşysy biıktıkten qūlap, auyr jaraqat aldy, dep habarlaidy "Adyrna" ūlttyq portaly.
Jambyl oblystyq polisiia departamentı oqiǧaǧa qatysty aqparatty rastady. Vedomstvonyŋ mälımetınşe, atalǧan derek boiynşa Qazaqstan Respublikasy Qylmystyq kodeksınıŋ 114-babynyŋ 3-bölıgı – «Abaisyzda auyr dene jaraqatyn keltıru» boiynşa qylmystyq ıs qozǧalǧan.
«Qazırgı uaqytta polisiia qyzmetkerlerı oqiǧanyŋ barlyq män-jaiyn tekserıp jatyr. Tergeu nätijelerı boiynşa qoldanystaǧy zaŋnamaǧa säikes prosessualdyq şeşım qabyldanady», – delıngen habarlamada.
Sondai-aq qūqyq qorǧau organdary Qylmystyq ıs jürgızu kodeksınıŋ 201-babyna säikes tergeu müddesıne bailanysty özge aqparat jariialanbaitynyn mälımdedı.
BAQ mälımetınşe, jasöspırım mektep ǧimaratynyŋ syrtynda ornalasqan örtten evakuasiialau baspaldaǧyna şyqqan. Beinebaqylau kameralaryndaǧy jazbalarda onyŋ qorşauda otyrǧany, keiın tepe-teŋdıgın joǧaltyp, qūlap ketkenı baiqalady.
Oqiǧadan keiın oquşy oblystyq balalar auruhanasyna jetkızılgen. Därıgerler oǧan mi jaraqaty, oŋ jaq san süiegı men būǧana süiegınıŋ synuy, sondai-aq ışkı müşelerınıŋ zaqymdanuy diagnozyn qoiǧan. Qazırgı uaqytta jasöspırım jansaqtau bölımınde jatyr, jaǧdaiy öte auyr dep baǧalanuda.
