Qazaqstannyŋ eks-prezidentı Nūrsūltan Nazarbaevtyŋ jūbaiy Sara Nazarbaeva auruhanadan şyqty, dep habarlaidy "Adyrna".
Būǧan deiın tūŋǧyş prezidenttıŋ baspasöz hatşysy Aidos Ükıbai Sara Nazarbaevanyŋ 2025 jylǧy säuır aiynda atalǧan medisinalyq mekemege jatqyzylǧanyn habarlaǧan bolatyn. Sol kezeŋde beiresmi derekközder men būqaralyq aqparat qūraldarynda onyŋ densaulyǧy men jürgen jerıne qatysty ärtürlı, bır-bırıne qaişy boljamdar taraǧan edı.
Alaida klinika ökılderı nauqastyŋ diagnozy men jaǧdaiyna qatysty aqparatty därıgerlık qūpiiany alǧa tartyp, jariia etpegen.
"Pasientka gospitalda em qabyldap, qaŋtar aiynda ambulatoriialyq emge şyǧaryldy. Densaulyq jaǧdaiy, diagnozy, emdeu ädısterı men nätijelerı turaly özge aqparat Qazaqstan Respublikasynyŋ "Halyq densaulyǧy jäne densaulyq saqtau jüiesı turaly" kodeksınıŋ 273-babyna säikes därıgerlık qūpiiaǧa jatady jäne jariialauǧa jatpaidy", – delıngen resmi jauapta
Aita keteiık, 84 jastaǧy Sara Nazarbaeva medisinalyq mekemede şamamen 10 ai boiy em qabyldaǧan.
