İranda 17 aqpan künı bilıkke qarsy narazylyqtar kezınde qaza tapqandardyŋ qyrqy öttı. Bırneşe qalada jiyndar ūiymdastyrylyp, kei jerlerde qaqtyǧystar boldy. Būl turaly AFP agenttıgı jazdy, dep habarlaidy «Adyrna» tılşısı.
Abadan qalasynda şeruşıler qoldaryna gülder men qaza tapqandardyŋ suretterın ūstap, «Hameneiǧa ölım!», «Şah jasasyn!» dep ūrandatty. Äleumettık jelılerde taraǧan basqa beinejazbalarda oq atylǧan kezde halyqtyŋ dürlıgıp, jan-jaqqa qaşqany körınedı.
Meşhedte jinalǧandar «Bır adam öldı, myŋdaǧan adam onyŋ artynda tūr» dep ūrandatqan.
İran bilıgı Tegerandaǧy İmam Homeini meşıtınde resmi eske alu räsımın ötkızdı. Qatysuşylar İran jalaularyn köterıp, marqūmdardyŋ portretterın ūstap, «Amerikaǧa ölım!» jäne «İzrailge ölım!» degen ūrandar aitty.
Şarada joǧary lauazymdy tūlǧalar, sonyŋ ışınde vise-prezident Mūhammad Reza Aref pen İslam revoliusiiasy saqşylar korpusynyŋ qolbasşysy Esmail Kaani söz söiledı. Kaani «tärtıpsızdık ūiymdastyruşylardy qoldaǧandar qylmysker sanalady jäne jauapkerşılıkke tartylady» dep mälımdedı.
İrandaǧy alǧaşqy narazylyqtar 2025 jyldyŋ jeltoqsanynda ekonomikalyq sebeptermen bastalǧan. Keiın olar saiasi sipat alyp, bükıl elge tarady. Bilık şerulerdı küşpen basuǧa tyrysyp, internet pen mobildı bailanysty būǧattaǧan.
Syrtqy ıster ministrı Abbas Aragchi 23 qaŋtarda narazylyqtar kezınde jalpy 3117 adamnyŋ qaza tapqanyn aitty. Onyŋ ışınde 2427-sı beibıt tūrǧyndar men qauıpsızdık qyzmetkerlerı, al qalǧandaryn ministr «terrorister» dep atady.
Al täuelsız qūqyq qorǧau ūiymdary basqa mälımet keltıredı. AQŞ-ta ornalasqan HRANA agenttıgınıŋ deregınşe, qaza tapqandar sany 7000-nan asady jäne olardyŋ basym bölıgı – narazylyqqa şyqqan azamattar.
