Prezident Qasym-Jomart Toqaev Vaşingtonǧa jūmys saparymen bardy. Būl turaly bügın, 19 aqpanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Vaşingtonda Qasym-Jomart Toqaev Amerika Qūrama Ştattarynda tūratyn jäne bılım alyp jürgen Qazaqstan azamattarymen kezdestı.
Äŋgımelesu barysynda prezident öskeleŋ ūrpaqqa ülken ümıt artatynyn aitty. Sondai-aq memleket jastarǧa ūdaiy qoldau körsetıp, olardyŋ jan-jaqty damuyna jäne qabılet-qarymyn ūştauǧa qolaily jaǧdai jasaitynyn jetkızdı.
Prezident nauryz aiynda Qazaqstan Respublikasynyŋ jaŋa Konstitusiiasy jobasy boiynşa ötetın jalpyhalyqtyq referendumnyŋ el bolaşaǧy üşın tarihi maŋyzy zor ekenıne nazar audardy.
Studentter men jas zertteuşıler ǧylym jäne bılım salasyna jan-jaqty qoldau körsetkenı üşın Qasym-Jomart Toqaevqa rizaşylyq bıldırdı.
Aita keteiık, būl sapardyŋ aiasynda memleket basşysy Beibıtşılık keŋesınıŋ alǧaşqy otyrysyna qatysyp, bırqatar eldıŋ köşbasşylarymen, sondai-aq AQŞ-tyŋ resmi tūlǧalarymen kezdesu ötkızedı.
