Jetısu oblysynyŋ äkımı Beibıt İsabaev qoǧam ökılderımen jaŋa Konstitusiianyŋ jobasyn talqylauǧa arnalǧan jiyn ötkızdı.
Jiynǧa qoǧamdyq keŋester müşelerı, jergılıktı mäslihattar töraǧalary, ziialy qauym ökılderı, saiasi partiialar men qoǧamdyq ūiymdar ökılderı, türlı sala mamandary - jalpy jüzden astam adam qatysty. Atap ötsek, jiynǧa oblystyq mäslihattyŋ töraǧasy, Konstitusiialyq reforma jönındegı komissiia müşesı, öŋırlık koalisiia töraǧasynyŋ orynbasary Gülnar Toilybaeva moderatorlyq ettı.
Jiynnyŋ kırıspe sözınde Beibıt İsabaev Konstitusiiada ūsynylyp otyrǧan özgerısterdıŋ negızınde jatqan basty qaǧidattarǧa toqtaldy.
- Atap aitqanda, bırınşıden, Parlament pen ökıldı organdardyŋ rölın küşeitu. Būl – bilık tarmaqtary arasyndaǧy tepe-teŋdıktı nyǧaituǧa, şeşımderdı aşyq ärı institusionaldyq dialog arqyly qabyldauǧa baǧyttalǧan qadam. Ekınşıden, azamattardyŋ memlekettı basqaru prosesıne qatysuyn keŋeitu. Qoǧamdyq baqylau tetıkterın damytu, jergılıktı özın-özı basqarudy küşeitu, azamattyq qoǧam instituttarynyŋ şeşım qabyldau üderısıne naqty yqpal etuıne jaǧdai jasau közdelıp otyr. Üşınşıden, adam qūqyqtary men bostandyqtaryn nyǧaitu. Konstitusiia är azamattyŋ qadır-qasietın qorǧaudyŋ naqty tetıgıne ainaluy tiıs. Zaŋ aldyndaǧy teŋdık, ädıl sot törelıgı, äleumettık qūqyqtardyŋ qorǧaluy – būl qaǧaz jüzındegı ūran emes, memlekettık saiasattyŋ özektı mındetı. Törtınşıden, jauapty jäne küştı memleket qalyptastyru. Bilık qoǧam aldynda esep beretın, instituttar aşyq ärı käsıbi jūmys ısteitın jerde ǧana senım qalyptasady. Al senım – bügıngı taŋda ülken küş jäne strategiialyq damu resursy, - dep atap öttı B. İsabaev.
Būdan keiın söz alǧan jiynǧa qatysuşylar Ata Zaŋdaǧy özgerısterdıŋ män-mazmūnyn är qyrynan aşyp, oi-pıkırlerın jetkızdı.
- Bügınde elımız dūrys baǧytta damyp keledı. Mäselen, oblys qūrylǧaly berı mädeniet salasynda qanşama nysan salynyp, jöndeuden öttı, bızge alaŋsyz jūmys ısteuge barlyq jaǧdai jasaluda. Jalpy, Konstitusiiadaǧy jaŋa özgerısterdıŋ bärı halyq üşın jasalyp otyr. Memleket basşysynyŋ igı bastamalaryn ıske asyru, adal eŋbek etu, bır maqsatqa jūmylu – bärımızdıŋ ortaq mındetımız, - dedı Qazaqstannyŋ halyq ärtısı, B. Rimova atyndaǧy akademiialyq drama teatrynyŋ aktrisasy Almahan Kenjebekova.
Sol siiaqty Al «Erlık» qimyl qozǧalysy kem mügedekter qoǧamdyq bırlestıgınıŋ jetekşısı Roza Aqjarkenova referendumǧa kedergısız qatysu üşın sailau uchaskelerınıŋ mümkındıgı şekteulı azamattar üşın qoljetımdı boluy maŋyzdy.
- Konstitusiialyq reformalardyŋ negızınde är adamǧa tüsınıktı ärı jaqyn ideia – ädıldık, teŋ mümkındıkter men ärbır azamattyŋ müddesın qorǧau qaǧidaty jatyr. Bızdıŋ Jetısu öŋırınde mügedektıgı bar azamattardy qoldauǧa erekşe köŋıl bölıngen. Qoljetımdı infraqūrylym damytylyp, bılım alu men eŋbekke ornalasuda teŋ jaǧdai jasalyp, äleumettık qyzmetterdıŋ sapasy artyp keledı. Qarapaiym ǧana mysal: oblys qūrylǧannan berı invataksi sany 18-den 32 bırlıkke artty. Būl arnaiy kölık refrendum künı üzdıksız jūmys ısteidı. Jalpy alǧanda, jaŋa Konstitusiiany qabyldau jönındegı aldaǧy referendumdy ädılettı ärı tūraqty memleket qūru jolyndaǧy der kezınde ärı senımdı qadam dep esepteimın, - dedı Roza Aqjarkenova.
Sol siiaqty öz sözınde Jetısu oblysy qoǧamdyq keŋesınıŋ töraǧasy Äset Qydyrmanov eŋbek adamynyŋ qūqyǧyn qorǧau mäselesı jaily aitsa, oblystyq käsıpkerler palatasynyŋ direktory Däuren Oŋalbaev Ata Zaŋdaǧy özgerıster memleket pen käsıpkerler arasyndaǧy qarym-qatynasty nyǧaita tüsetınıne toqtaldy. Al Jetısu universitetınıŋ Basqarma töraǧasy-rektory Ermek Börıbaev jaŋa Konstitusiia jobasynda mädeniet pen bılımge, ǧylym men innovasiiaǧa süienetın damu modelıne basymdyq berılıp otyrǧanyn tılge tiek ettı.
Jiynda Jetısu oblysy «Assambleia jastary» Respublikalyq qoǧamdyq bırlestıgınıŋ töraǧasy Ekaterina Podgornova da oi bölıstı.
- Qazırgı saiasi jaŋǧyru kezeŋınde bız, Jetısu jastary, şette qalmai, Ata zaŋymyzdyŋ jaŋa özgerısterımen belsendı azamat retınde zerttep şyqtyq. Qazırgı jastar – bılımdı, sanaly, sifrlyq älemde erkın, öz oiyn aşyq aita alatyn buyn. Bügıngı künı jetıstıkke jetu joly öte oŋai, eŋ bastysy qoǧamǧa paidaŋdy tigızıp, elıne adal qyzmet etıp, damu jolynda erınbei eŋbek etu maŋyzdy. Bız özgerısterdı qoldap qana qoimai, sonyŋ belsendı qatysuşysy boluǧa daiynbyz. Keleşek bügınnen bastalady, - dedı ol.
Öŋırdegı qoǧam ökılderı referendumǧa qatysu elımızdıŋ aldaǧy damuyn qalyptastyratyn maŋyzdy qadam ekenın aitty.
Jiyndy qorytyndylaǧan oblys äkımı B. İsabaev:
- Ornyqty memleketter jauapkerşılıkke, ädılettılıkke, zaŋ üstemdıgıne jäne adamǧa degen qūrmetke negızdeledı. Jaŋa Konstitusiia jobasy osy qūndylyqtardy nyǧaituǧa baǧyttalǧan. Bızdıŋ ortaq maqsatymyz – ädılettı, aşyq ärı tiımdı memleket qūru, - dedı.
