Kristina Şumekova Germaniiada ötıp jatqan jasöspırımder arasyndaǧy älem chempionatynda üşınşı altyn medalın jeŋıp aldy, dep habarlaidy "Adyrna" ūlttyq portaly.
Germaniianyŋ İnsell qalasynda ötken konkimen jügıruden jasöspırımder arasyndaǧy älem chempionatynda qazaqstandyq sportşy 1000 metr qaşyqtyqta 1:16.34 uaqyt körsetıp, qarsylastarynan oq boiy ozyp, märe syzyǧyn bırınşı bolyp kestı.
Osylaişa, ol atalǧan bırınşılıkte üş dürkın älem chempiony atandy.
Būǧan deiın konkişı Kristina Şumekova 500 jäne 1500 metr qaşyqtyqtarynda da top jaryp, ekı bırdei altyn medal ielengen bolatyn. Aita keteiık, ol jarys barysynda rekordtyq körsetkış tırkep, jasöspırımder arasynda älem chempiony atanǧan edı.
Sondai-aq Qazaqstan qūramasynyŋ özge sportşylary da baq synady. Anastasiia Belovodova 1:17.99 nätijesımen jetınşı orynǧa ie bolsa, Varvara Gluhova 32-satydan körındı. Aizada Rymbek jarysty 34-orynmen aiaqtady.
Osylaişa, Germaniia törındegı älem chempionatynda qazaqstandyq sportşylar joǧary nätije körsetıp, el qorjynyna kezektı altyn medaldı saldy.
Aita keteiık, sportşy Germaniiada 500 metr qaşyqtyqta 38,48 sekund nätijemen märege jetıp, jeke rekordyn jaŋartqan edı.
