Almaty oblysynda 20 jylǧa juyq uaqyt būryn jasalǧan kısı öltıru ısı boiynşa üşınşı aiyptaluşy 16 jylǧa sottaldy, dep habarlaidy “Adyrna” ūlttyq portaly.
Almaty oblysynyŋ prokuraturasy 2006 jyldyŋ qyrküiegınde bolǧan qylmysty tergeudı aiaqtaǧan. Vedomstvo mälımetınşe, üş er adam taksi jürgızuşısı retınde äieldı kölıkke otyrǧyzǧan. Keiın ony tūnşyqtyryp öltırıp, jeke zattaryn ūrlap, mäiıtın Almaty–Qapşaǧai avtojolynyŋ boiyna tastap ketken.
2007 jyly sot ekı sybailasyn aiypty dep tanyǧan. Al üşınşı küdıktıge qatysty ıs jürgızu toqtatylyp, materialdar arhivke jıberılgen. Qylmys aşylmaǧan ıster tızımıne de engızılmegen.
Keiın prokuratura ötken jyldardaǧy materialdarǧa tekseru jürgızıp, tergeudı qaita jandandyrdy. Anyqtalǧandai, ıs negızsız toqtatylyp, küdıktını ızdestıru tiıstı deŋgeide baqylauǧa alynbaǧan. Qosymşa sūrau salular men derekterdı salystyru nätijesınde qūqyq qorǧau organdary küdıktını Qarasai audanynan anyqtap, ūstaǧan.
