Eger jalpyhalyqtyq referendumda qazaqstandyqtar jaŋa Konstitusiiany qoldasa, elde Konstitusiia künı 15 nauryzda atap ötıledı. Būl turaly Ädılet ministrı Erlan Särsembaev aitty, dep habarlaidy «Adyrna» tılşısı.
Jurnalister ministrge biyl Konstitusiia künı 30 tamyzda atap ötıle me jäne referendum nätijesınde jaŋa Konstitusiia qabyldansa, demalys künı saqtala ma degen sūraq qoidy.
«Sızder būqaralyq aqparat qūraldarynda jariialanǧan Konstitusiia jobasyn oqydyŋyzdar ma? Eger oqyǧan bolsaŋyzdar, 94-bap däl osy mäsele turaly. Ekınşı tarmaqta “Respublikalyq referendumda Konstitusiia qabyldanǧan kün – memlekettık mereke“ dep körsetılgen. Iаǧni, halyq jaŋa nūsqany qoldaityn bolsa, Konstitusiia künı 15 nauryzda atap ötıledı de, 30 tamyzda mereke küşın joiady»,-dep jauap berdı Särsembaev.
