Türkiia prezidentı Rejep Taiip Erdoǧan İrannan ūşyrylǧan ballistikalyq zymyrannyŋ Türkiia äue keŋıstıgınde zalalsyzdandyryluyna qatysty pıkır bıldırdı. Būl turaly Report agenttıgı jazdy, dep habarlaidy «Adyrna» tılşısı.
Ol eldıŋ atalǧan oqiǧaǧa bailanysty NATO odaqtastarymen bırge barlyq qajettı şarany qabyldap jatqanyn mälımdedı.
«Aimaǧymyz kürdelı kezeŋdı bastan ötkerıp jatqan uaqytta bız bolyp jatqan oqiǧalardy kezdeisoqtyq dep bei-jai qaldyrmaimyz. NATO-daǧy odaqtastarymyzben tyǧyz keŋes ötkızıp, barlyq qajettı şarany qabyldap, talap etılgen äreketterdı dereu jüzege asyramyz. Türık tarapynan osyndai oqiǧalardyŋ qaitalanuyna jol bermeu üşın barynşa qataŋ eskertu jasaldy»,-dedı Erdoǧan.
Eske salaiyq, 4 nauryzda Türkiia İrannyŋ ballistikalyq zymyranyn atyp tüsırgen edı.
