Memleket basşysy Qasym-Jomart Toqaev näzık jandylar qauymyn Halyqaralyq äielder künımen qūttyqtady. Būl turaly Aqordanyŋ baspasöz qyzmetı jazdy, dep habarlaidy "Adyrna".
Prezident Qazaqstannyŋ äielder qauymyn köktemdegı atauly merekemen şyn jürekten qūttyqtai otyryp, osy tamaşa meiram – barşa näzık jandylar qauymyna arnalǧan erekşe sezım men zor qūrmettıŋ jarqyn körınısı ekenın jetkızdı.
"Äiel – köŋılge şattyq syilap, şabytqa qanat bıtıretın körkemdık pen sūlulyqtyŋ simvoly, jasampazdyq pen jaŋaşyldyqtyŋ qainar közı. Düniedegı jaqsylyq ataulynyŋ bärı äiel zatynan bastau alady. Äieldıŋ jany näzık bolsa da, bolmysy – myqty. Olar kez kelgen qiyndyqty eŋserıp, ärdaiym danalyq pen daralyqtyŋ, şydamdylyq pen batyldyqtyŋ, senımdılık pen jauapkerşılıktıŋ ozyq ülgısın körsetıp keledı. Ärbır äieldıŋ ömırge när beretın, älemge jaryq syilaityn, joqtan bar jasaityn, tıptı, jaulasqandy tatulastyryp, beibıtşılıkke şaqyratyn ǧajap qasietı bar. Äiel tabiǧatynyŋ basty qūpiiasy men syry da – osynda", - dedı Qasym-Jomart Toqaev.
Prezident "Äiel – ūlttyŋ jany" desek, artyq bolmaitynyn aita kele, olar bergen tälım-tärbie arqyly ūrpaqtyŋ dünietanymy qalyptasatynyn, jastar ädeptılık, otanşyldyq, eŋbekqorlyq, bılımpazdyq syndy asyl qasietterdı boiyna sıŋıretının basa atap öttı.
"Ūly dalanyŋ qaisar qyzdary jaily aŋyzǧa bergısız aqiqat äŋgımeler ǧasyrdan-ǧasyrǧa jalǧasyp keledı. Qazaq arularynyŋ parasattylyǧy men batyrlyǧy jūrtymyzdyŋ jadynda jattalyp, tarihynda taŋbalanyp qalǧan. Osy sabaqtastyq qazır de saqtalyp otyr. Köptegen qyz-kelınşekter Otanymyzǧa qaltqysyz qyzmet etıp, mektepter men universitetterde, emhanalar men zerthanalarda, memlekettık mekemeler men qoǧamdyq ūiymdarda, öner men bizneste, öndırıs oryndary men şaruaşylyqtarda, äskeri bölımşelerde jäneel ömırınıŋ basqa da salalarynda abyroily eŋbek etıp jür", - deidı Memleket basşysy.
Qasym-Jomart Toqaev Qazaqstan halqymyzdyŋ keleşektegı taǧdyryna tıkelei yqpal etetın auqymdy jaŋǧyru jolyna tüskenın de eske sala kettı.
"Jaŋa Halyq Konstitusiiasy jobasynyŋ özegı – elımızdıŋ Täuelsızdıgı, egemendıgı, aumaqtyq tūtastyǧy, azamattardyŋ müddelerı men qūqyqtary. Referendumǧa şyǧarylǧan jaŋa Ata zaŋnyŋ jobasynda ana men balany qorǧau, neke jäne otbasy institutyn küşeitu mäselelerıne airyqşa nazar audaryldy. Sondai-aq halyqtyŋ äl-auqatyn arttyruǧa, qoǧamda zaŋdy qūrmetteu, tabiǧatty aialau, ädıldık, eŋbekqorlyq, jauapty jäne jasampaz otanşyldyq qaǧidattaryn ornyqtyruǧa basa män berıldı", - dedı Memleket basşysy.
Prezient äielder qauymy bolaşaqta da özderınıŋ adaldyǧymen, qarym-qabıletımen, erekşe küş-jıgerımen Ädılettı, Örkendegen Qazaqstandy qūruǧa belsene atsalysa beretındıgıne kämıl senetının jetkızdı.
