Foto: ŪOK
Qazaqstandyq mänerlep syrǧanauşy, Milan–Kortina Olimpiadasynyŋ chempiony Mihail Şaidorov bedeldı ISU Figure Skating Awards 2026 syilyǧynyŋ ümıtkerlerı tızımıne endı. International Skating Union sportşyny «Eŋ üzdık kostium» atalymyna qosty, dep habarlaidy "Adyrna".
Būl atalym 2025-2026 jylǧy mausymda alǧaş ret körsetılgen, kreativtılıgımen, stilımen, sänımen jäne özındık erekşelıgımen közge tüsken kostium üşın jeke mänerlep syrǧanauşyǧa, sporttyq jūpqa nemese bi duetıne berıledı.
Şaidorov Olimpiadada kigen kostiumdı dizainerler Säeng Jaqsybaev pen Aqmaral Jarasqyzy daiyndaǧan. Däl osy qara-kök tüstı, jyltyr elementterı bar kostiummen sportşy İtaliiada ötken 2026 jylǧy Olimpiada oiyndarynda erkın baǧdarlamasyn oryndaǧan.
Ümıtkerlerge dauys beru 18 nauryzǧa deiın jalǧasady. Osydan keiın sarapşylar qysqa tızımnen jeŋımpazdardy anyqtaidy. Syilyqtyŋ qorytyndysy 29 nauryzda Praga qalasynda ötetın Mänerlep syrǧanaudan älem chempionaty kezınde jariialanady. Saltanatty räsımdı Skating ISU YouTube arnasynan tıkelei efirde köruge bolady.
Aita keteiık, ISU Figure Skating Awards jyl saiyn ötkızıledı. Būl marapat aiasynda tek sportşylar ǧana emes, sonymen qatar jattyqtyruşylar, horeograftar jäne kostium dizainerlerı de atap ötıledı.
Mihail Şaidorov - «Eŋ üzdık kostium» atalymy boiynşa būl syilyqqa ūsynylǧan Qazaqstandaǧy alǧaşqy mänerlep syrǧanauşy.
Eske salaiyq, Mihail Şaidorov Olimpiada - 2026 oiyndarynda erler arasyndaǧy jeke saiysta altyn medal jeŋıp alyp, Olimpiada chempiony atandy. Būl Qazaqstan täuelsızdık jyldaryndaǧy mänerlep syrǧanaudan alynǧan alǧaşqy olimpiadalyq altyn medal.
