AQŞ prezidentı Donald Tramp 10 nauryzǧa qaraǧan tünı ötken baspasöz brifingınde İrandaǧy mektepke jasalǧan şabuylǧa qatysty mälımdeme jasap, oqiǧaǧa irandyqtardyŋ özderı sebep boldy degen pıkır aitty. Onyŋ sözınşe, mektepke jasalǧan şabuyl saldarynan 165 qyz bala qaza tapqan.
Tramp būl şabuylǧa «Tomagavk» zymyrandary qoldanylǧany turaly aqparatqa qatysty pıkır bıldırıp, mūndai zymyrandardy kez kelgen el satyp alyp, paidalana alatynyn, sonyŋ ışınde İran da qoldanuy mümkın ekenın aitqan.
Alaida bırqatar sarapşylar men amerikalyq būqaralyq aqparat qūraldary būl mälımdemege kümän keltırdı. Clash Report basylymynyŋ mälımetınşe, «Tomagavk» zymyrandary negızınen AQŞ äskeri-teŋız küşterınıŋ qaru-jaraǧyna jatady. Sonymen qatar mūndai zymyrandardyŋ belgılı bır sany tek AQŞ-tyŋ üş odaqtasynda – Ūlybritaniia, Avstraliia jäne Japoniiada ǧana bar ekenı aityldy. Sarapşylardyŋ pıkırınşe, İranda mūndai qarudyŋ boluy öte ekıtalai.
Osyǧan bailanysty keibır amerikalyq BAQ Tramptyŋ mälımdemesın synǧa alyp, onyŋ sözderı qoǧamda qyzu pıkırtalas tuǧyzǧanyn jazdy.
Sonymen qatar Tramp İrannyŋ amerikalyq-izraildık operasiia bastalǧannan keiın bırden berılmegenıne narazylyq bıldırıp, Tegeranǧa qataŋ şaralar qoldanyluy mümkın ekenın eskerttı.
Sarapşylardyŋ pıkırınşe, būl mälımdeme halyqaralyq saiasattaǧy şielenıstı odan ärı küşeituı mümkın.
