14 nauryz – Körısu künıne orai Atyrau qalasynda 150-ge juyq önerpaz ūlttyq dästürdı nasihattady.
Is-şara İsatai-Mahambet alaŋynda bastalyp, qala köşelerımen Köş formatyndaǧy merekelık keruenge ūlasty. Būl turaly Öŋırlık kommunikasiialar qyzmetı habarlaidy.
Merekelık şeru barysynda orkestr süiemeldeuımen qazaqtyŋ halyq änderı oryndalyp, ūlttyq dästür körınısterı köpşılık nazaryna ūsynyldy. «Köş» keruenı odan ärı qaladaǧy Infinity Mall jäne Baizaar sauda ortalyǧynda jalǧasyp, önerpazdar tūrǧyndar men qonaqtarǧa merekelık köŋıl-küi syilady.
Saltanatty şeruge Mahambet Ötemısov atyndaǧy akademiialyq qazaq drama teatry, Dina Nūrpeiısova atyndaǧy akademiialyq qazaq halyq aspaptar orkestrı, Nūrmūhan Jantörin atyndaǧy oblystyq filarmoniia ūjymy jäne mädeniet basqarmasyna qarasty mekemeler qatysty.
