Atyrau qalasynda jasöspırımder arasyndaǧy qūqyq būzuşylyqtardyŋ aldyn alu jäne olardyŋ qauıpsızdıgın qamtamasyz etu maqsatynda polisiia qyzmetkerlerı men belsendı äkelerden qūralǧan erekşe patruldık top jūmys ısteude.
Atyrau oblysynyŋ bılım basqarmasy men polisiia departamentı bırlesken bastama – qoǧamdaǧy qūqyqtyq mädeniettı arttyruǧa, jastardyŋ tärtıp būzu jaǧdailaryn azaituǧa baǧyttalǧan maŋyzdy qadam. Atyraudyŋ belsendı äkelerı “ūlt bolaşaǧy men bala qauıpsızdıgı – bügıngı zaŋ men tärtıpten bastalady” degen ūstanymmen tärtıp saqşylarymen bırge tüngı reidterge qatysyp jür.
Jyl basynan berı tüngı uaqytta ata-ana qarauynsyz jürgen 5000-nan astam jasöspırım anyqtalǧan. Būl körsetkış kämeletke tolmaǧandardyŋ qauıpsızdıgın baqylau şaralaryn küşeitudıŋ özektılıgın aiqyn körsetedı.
Tüngı reid barysynda polisiia qyzmetkerlerı men äkeler tüngı saǧat 23:00-den keiın köşede eresekterdıŋ qarauynsyz jürgen jasöspırımderge zaŋ talaptaryn tüsındırıp, mūndai jaǧdailardyŋ qauıptılıgı men jauapkerşılıgı turaly eskerttı.
Sonymen qatar, top müşelerı jasöspırımder jiı baratyn oiyn-sauyq ortalyqtary men oiyn klubtaryna arnaiy baryp, qūqyqtyq tüsındıru jūmystaryn jürgızdı. Mūndai profilaktikalyq şaralar kämeletke tolmaǧandardyŋ qūqyq būzuşylyqqa baruyna tosqauyl qoiuǧa jäne olardyŋ qauıpsızdıgın qamtamasyz etuge baǧyttalǧan.
Qoǧamdyq qauıpsızdıktı nyǧaituǧa arnalǧan būl bastama aldaǧy uaqytta da jalǧaspaq.
