Daǵystandyq azamat sý tasqynynan zardap shekkender úshin bir táýlik boıy jol júrip kelgen, dep habarlaıdy "Adyrna" tilshisi Stan.kz-ke siltep.
Reseıdegi Daǵystan Respýblıkasynyń turǵyny Omarashab Ahmedov "qıyndyq kezde bir-birimizge qoldaý kórsetýimiz" dep, Atyraýǵa kómek qolyn sozǵan.
"Týysqandarym áleýmettik jeliden Qazaqstannyń Reseımen shekaralas aımaqtarynda tasqyn sýdan qorǵanys bógetin bekitý úshin qap jetispeıdi degen aqparatty oqypty. Olar bul aqparatty maǵan jetkizdi. Sodan soń baýyrlas elge kómek berý úshin tanystarymnan qap izdeı bastadym. Dosymnyń zat saqtaıtyn qoımasy bar edi. Túngi saǵat 02:00 shamasynda sol qoımadan júk tasıtyn GAZel kóligime 50 myń qapty tıep, jolǵa shyqtym. Atyraýǵa tezirek jetý úshin túnimen jolda júrdim", – deıdi daǵystandyq azamat.
Daǵystandyq azamat qoldan kelgenshe kómek berýdi kózdegen.
"Turatyn elimiz bólek bolǵanymen, qıyndyq kezde bir-birimizge qoldaý kórsetýimiz kerek. Maqsatym – týysqan halyqtyń osyndaı qıyndyqtan aman qalýyna úlesimdi qosý", – deıdi ol.
