El ömırındegı maŋyzdy saiasi nauqan – referendumǧa qoǧamnyŋ är salasynda eŋbek etıp jürgen azamattar belsendı qatysuda. Bäiterek audanynda da tūrǧyndardyŋ azamattyq belsendılıgı joǧary deŋgeide baiqalyp otyr.
Sonyŋ jarqyn körınısterınıŋ bırı – №206 referendum uchaskesınde oryn aldy. «Everest Logistics Company» kompaniiasynyŋ ūjymy ūiymşyldyq tanytyp, 12 arnaiy tehnikamen uchaskege kelıp, el bolaşaǧyna qatysty öz taŋdaularyn jasady.
Būl körınıs tūrǧyndardyŋ nazaryn audaryp, eŋbek adamdarynyŋ el taǧdyryna beijai qaramaitynyn taǧy bır märte däleldedı. Kompaniia qyzmetkerlerı jūmys qarqynyna qaramastan, maŋyzdy saiasi oqiǧadan şet qalmai, azamattyq boryştaryn oryndaudy basty mındet sanaitynyn aitty.
Ūjym müşelerınıŋ pıkırınşe, referendum – memleket damuynyŋ keleşegıne äser etetın maŋyzdy qadam. Sondyqtan ärbır azamattyŋ öz taŋdauyn jasap, qoǧamdyq-saiasi üderısterge qatysuy asa maŋyzdy.
№206 referendum uchaskesınde dauys beru prosesı talapqa sai ūiymdastyrylǧan. Mūnda kelgen tūrǧyndar men eŋbek ūjymdary öz taŋdaularyn erkın bıldırıp, el bolaşaǧyna qatysty maŋyzdy şeşım qabyldau ısıne belsendı qatysuda.
12 tehnikamen kelıp dauys bergen «Everest Logistics Company» ūjymy – bırlık pen jauapkerşılıktıŋ aiqyn ülgısı. Būl eŋbek adamdarynyŋ el taǧdyryna degen janaşyrlyǧy men azamattyq ūstanymynyŋ körınısı.
