Zaŋgerler men tıl mamandarynyŋ bırlesken jūmysynyŋ nätijesınde jaŋa Ata Zaŋ mätını oquǧa jeŋıl, tüsınuge oŋai, qūqyqtyq tūrǧydan naqty qūjatqa ainaldy. Būl turaly Memlekettık keŋesşı Erlan Qarin Konstitusiialyq komissiianyŋ 12-şı otyrysynda mälımdedı.
Onyŋ aituynşa, jarty jyl boiy qoǧamdyq talqylaular negızınde daiyndalǧan jaŋa Konstitusiia mätını ekı apta būryn jariialanyp, qyzu talqylandy. Osy aralyqta azamattardan 10 myŋǧa juyq ūsynys kelıp tüstı. Būl Konstitusiia mätını jan-jaqty talqylaudan ötkenın, qoǧam tarapynan ülken qyzyǧuşylyq bolǧanyn jäne azamattardyŋ barynşa belsendı bolǧanyn aiǧaqtaidy.
«Jaŋa Konstitusiia jobasy jariialanǧannan keiın de kelıp tüsken ūsynystar negızınde taǧy qosymşa normalar, basqa da redaksiialyq-stilistikalyq özgerıster engızıldı. Qoiylǧan sūraqtarǧa, aitylǧan syn-pıkırlerge Komissiia müşelerı tarapynan bırden jauap ia tüsınıkteme berılıp otyrdy. Osylaişa, Memleket basşysynyŋ «Halyq ünıne qūlaq asatyn memleket» qaǧidaty negızınde qoǧammen kerı bailanys ornatylyp, azamattardyŋ ūsynys-pıkırı mümkındıgınşe eskerıldı», – dedı Erlan Qarin.
Iаǧni, kelıp tüsken barlyq jüielı ūsynystar Konstitusiia mätınınde körınıs tapty. Sondyqtan, är öŋırden, türlı saladan jinalǧan 130 adamnan tūratyn Komissiianyŋ aşyqtyǧy negızınde, myŋdaǧan azamattyŋ mazmūndy ūsynys-pıkırlerın eskere otyryp äzırlengen jaŋa Konstitusiia jobasyn Halyqtyq Konstitusiia dep aituǧa tolyq negız bar.
«Osylaişa, bız memleket pen qoǧam tūtastyǧynyŋ, bırlıgınıŋ jaŋa ülgısın körsettık. Bolaşaqta jaŋa Konstitusiia azamattardyŋ qoldauymen referendumda qabyldanyp jatsa, būl tek qūqyqtyq qūjat emes, jalpyūlttyq ideia men qūndylyqtar tūrǧysynan qoǧamdyq bırlıktıŋ ırgetasyna ainalaryna senım bıldırgım keledı», – dedı ol.
Memlekettık keŋesşı jaŋa Konstitusiia tūŋǧyş ret qazaq tılınde – memlekettık tılde äzırlenıp, memlekettık, eldık, ūlttyq müdde tūrǧysynan jazylǧanyn eske saldy.
«Konstitusiia normalarynyŋ mänı naqtylanyp, türlı şeşımderge negız bolatyn kemşılıkter joiyldy. Būl – közge körınbeitın, bıraq öte maŋyzdy ärı kürdelı jūmystardyŋ bır bölıgı ǧana. Osyndai jūmystardyŋ nätijesınde jaŋa Ata Zaŋnyŋ mätını oquǧa jeŋıl, tüsınuge oŋai, qūqyqtyq tūrǧydan naqty qūjatqa ainaldy», – dep tüiındedı Erlan Qarin.
