«Ädıl söz» halyqaralyq qorynyŋ prezidentı Qarlyǧaş Jamanqūlova Qazaqstannyŋ jaŋa Konstitusiiasynda söz bostandyǧy men şyǧarmaşylyq erkındıktı qorǧau normalarynyŋ bekıtıluın joǧary baǧalady. Öz pıkırın ol Konstitusiialyq reforma jönındegı komissiianyŋ besınşı otyrysynda bıldırdı.
Qarlyǧaş Jamanqūlovanyŋ aituynşa, söz bostandyǧy azamattarǧa ömırlık maŋyzy bar şeşımder qabyldau üşın qajettı obektivtı, tolyq jäne şynaiy aqparatty uaqtyly aluǧa mümkındık beredı jäne sonymen qatar memlekettı jüielı qatelıkterden qorǧaityn qūral retınde qarastyryluy mümkın.
«Söz bostandyǧy Konstitusiia preambulasynyŋ jaŋa redaksiiasynda jariialanǧan qūqyqtyŋ üstemdıgı men «Zaŋ men Tärtıp» qaǧidatyn saqtaudyŋ räsımdık şartyna ainalady», – dedı ol.
«Ädıl söz» qorynyŋ prezidentı söz bostandyǧyn qorǧaumen qatar Konstitusiianyŋ jaŋa redaksiiasy şyǧarmaşylyq erkındıktı de qorǧaitynyn jäne būl ūǧymdardy ǧylymi, tehnikalyq jäne körkem şyǧarmaşylyqtyŋ barlyq türlerın qamti otyryp keŋeitetının atap öttı.
«Būl kepıldıkter ziiatkerlık menşıktı qorǧaumen qatar jüruı tiıs. Būl äsırese sifrlyq däuırde asa maŋyzdy», – dedı Qarlyǧaş Jamanqūlova.
Onyŋ aituynşa, azamattarǧa aqparat alu jäne taratu qūqyǧy berıledı, alaida būl qūqyq basqa adamdardyŋ qūqyqtary men qadır-qasietıne, qoǧamdyq moral men qoǧamdyq tärtıpke nūqsan keltırılmeuı tiıs.
«Mūndai şekteuler Konstitusiia men halyqaralyq qūqyqta tanylǧan maqsattar üşın ǧana jol berıledı, iaǧni būlyŋǧyr ärı ekıūşty tüsındırmesız. Senzuraǧa tyiym salynatynyn erekşe atap ötkım keledı», – dedı ol.
Sondai-aq, Qarlyǧaş Jamanqūlova Konstitusiiada qoǧamnyŋ ruhani-adamgerşılık qūndylyqtaryna qatysty ūǧymdardyŋ bekıtıluı turaly pıkır bıldırdı. Onyŋ aituynşa, äŋgıme tek zaŋdarda tıkelei bekıtılgen nysandar jaiynda boluy tiıs. Būl qūqyqtyq belgısızdıktıŋ aldyn aluǧa mümkındık beredı.
«Söz bostandyǧyn, oi men şyǧarmaşylyq erkındıktı Konstitusiia deŋgeiınde kepıldendırılgen türde qamtamasyz etu qazaqstandyq qoǧamnyŋ örkendeuınıŋ berık negızı», – dedı ol.
