Belgılı qalamger, «Aŋyz adam» jäne «Jūldyzdar otbasy» jurnaldarynyŋ negızın qalauşy ärı bas redaktory Jarylqap Qalybai auyr dertke şaldyqty. Qoǧam qairatkerı, jurnalist Rysbek Särsenbai Facebook jelısınde qalamgerdıŋ jaǧdaiyna qatysty jazba jariialap, el-jūrtty kömektesuge ündedı, dep habarlaidy “Adyrna».
Jarylqap Qalybai – bır kezderı taralymy jüz myŋnan asqan, qoǧamda keŋ rezonans tudyrǧan tanymal jurnaldardyŋ avtory. Ol saiasi täuelsız oi men erkın baspasözdı damytu jolynda küresıp, bilıktıŋ qysymyna da jiı ūşyrady.
Rysbek Särsenbaidyŋ aituynşa, qiyndyqtar 2014 jyly bastalǧan. «Aŋyz adam» jurnalynyŋ sol jylǧy sanynda Resei prezidentı Vladimir Putin men Adolf Gitlerdı salystyruǧa bailanysty dau tuyndap, basylymǧa qudalau bastalǧan.
«Päle 2014 jyly Putindı Gitlermen salystyryp şyǧarǧan jurnal sanynan bastaldy. Ūzaqqa sozylǧan sottasular, odan keiın jurnaldy taratpau maqsatyndaǧy ekonomikalyq qysymdar ony qarjylai şyǧynǧa batyrdy. Soǧan qaramastan, jurnaldar bes jyl boiy şyǧyp tūrdy. Aqyry jabyldy, tabys közı üzıldı. Bıraq ol qalamyn qolynan tastaǧan joq, äleumettık jelı arqyly halyqty saiasi-aǧartu jūmystarymen şūǧyldandy. Nūrbilıktıŋ ädıletsızdıkterıne qarsy tūrdy. Ädıldık pen şyndyq üşın kürestı», – delıngen Rysbek Särsenbaidyŋ jazbasynda.
Osy kezeŋde Qalybai auyr küizelıske tüsıp, keiın 2019 jyly koronaviruspen de küresken. Alaida eŋ auyr diagnoz 2023 jyly belgılı boldy. Jarylqap Qalybaiǧa gepatoselliuliarly karsinoma – iaǧni, bauyr obyry diagnozy qoiyldy.
«Ökınışke qarai, onkologiialyq auruǧa – bauyr obyry (GSK – gepatoselliuliarlı karsinoma) dertıne ūşyraǧanyn bılmei qaldy. Bır jyldan astam uaqyt ärtürlı em alyp kördı. Ekı mini-operasiia jasatty. Nätije bolymsyz. Qazaqstan, Türkiia, İndiiada emdelıp kördı. Esesıne, därıgerlık şeşım anyqtaldy. Jarylqap qanşa qaşsa da qūtylmady. Bauyr transplantasiiasyn jasatpasa bolmaidy», – dep jazady R.Särsenbai.
Kürdelı operasiiany Oŋtüstık Koreia därıgerlerı jasamaq. Bıraq emdeu jäne oŋaltu şyǧyndaryna 250 myŋ AQŞ dollary kölemınde qarajat qajet. Būl – Jarylqap Qalybaidyŋ otbasy üşın tym auyr soma. Osyǧan deiıngı em-domǧa bar jiǧan-tergenı jūmsalǧan.
«Ol halyqtan qarjylai kömek sūraudy ūiat sanap, ūzaq uaqyt qarsy bop jürgen. Bıraq olai etpesek, qauıptı aurudan aman qalu oŋaiǧa soqpaiyn dep tūr», – deidı ärıptesı.
Sol sebeptı ärıptesterı men tuystary jūrttan qoldau sūrap, arnaiy bank şottaryn jariia ettı.
Kaspi Bank (teŋgemen):
Karta nömırı: 4400 4302 2576 2233
Aluşy: Qalybai Jarylqap Seidläūly
Kaspi telefony: +7 701 441 02 44
BIC: CASPKZKA
AQŞ dollarymen:
IBAN: KZ40722C000024985182
Aluşy: Qalybai Jarylqap Seidläūly
