Jurnalist Roza Esenqūlova būrynǧy jūbaiy, «QazTAG» aqparat agenttıgınıŋ bas redaktory Ämır Qasenovke qatysty tūrmystyq zorlyq-zombylyq, ajyrasu sebepterı jäne onyŋ tabysynyŋ aşyq emestıgı turaly pıkır bıldırdı. Būl turaly ol Facebook paraqşasynda jazdy, dep habarlaidy "Adyrna".
Esenqūlovanyŋ aituynşa, jazbaǧa sebep bolǧan jaǧdai - Ämır Qasenovtyŋ äleumettık jelılerdegı būrynǧy jūbaiy oǧan «auyr mentaldyq jaraqat keltırdı» degen mälımdemelerı. Osyǧan bailanysty jurnalist 2008 jyly bolǧan oqiǧalarǧa qatysty öz nūsqasyn jariialaǧan.
Esenqūlovanyŋ sözınşe, otbasyndaǧy janjal üilengen alǧaşqy tünnen bastalǧan. Ol küieuınıŋ agressivtı mınez tanytyp, «naǧyz kelın» mındetterın oryndaudy talap etkenın aitady.
«Toidan keiın men küieuımnıŋ tuystaryna şaidy onyŋ oiynşa “dūrys” bermegenım üşın (iaǧni taŋǧy 6-daǧy kelın şaiy), maǧan beldıkpen fizikalyq küş qoldanyldy», - dep jazǧan Esenqūlova.
Onyŋ aituynşa, sol tünı ol küieuın üiden şyǧaryp jıberıp, bırge tūrudy toqtatqan. Keiın qūqyq qorǧau organdaryna jügınıp, Ämır Qasenovke oǧan jaqyndauǧa tyiym salatyn qorǧau nūsqamasy berılgen.
Esenqūlova ūlyn özı tärbielep otyrǧanyn jäne balasynyŋ jaqynda mekteptı aiaqtaǧanyn atap ötedı. Onyŋ sözınşe, būrynǧy jūbaiy sot kezınde jūmyssyz ekenın aityp, äkelık mındetterdı oryndaudan bas tartqan.
Jurnalisttıŋ mälımetınşe, Ämır Qasenov jūmys ısteitın ūiym tarapynan tüsetın aliment mölşerı aiyna 14 myŋ teŋgenı qūraidy. Ol būl somanyŋ balanyŋ kündelıktı şyǧyndaryn da jappaitynyn aitady.
“QazTAG” jıberetın sol 14 myŋ teŋge aliment balanyŋ bır kündık şyǧynyn da jappaidy. Al osyndai mizerlı jalaqymen ülken portaldyŋ bas redaktory qalaişa üş balaly otbasyn asyrap otyr?» - dep jazǧan ol.
Esenqūlova sot oryndauşysynyŋ naqty tabysty anyqtau jäne qaryzdy öndırıp alu mäselesınde qiyndyqtarǧa tap bolyp otyrǧanyn da alǧa tartqan.
Sonymen qatar ol «QazTAG» basşylyǧy men buhgalteriiasynyŋ resmi sūraularǧa jauap bermeuı jönınde sūraqtar kötergen.
Jazbanyŋ soŋynda ol otbasylyq jaǧdai men käsıbi qyzmet arasyndaǧy jauapkerşılıkke nazar audaryp, auditoriia aldyndaǧy senım mäselesın qozǧaidy.
Būl ıs boiynşa būǧan deiın de äleumettık jelılerde talqylaular bolǧan. Esenqūlova aliment mölşerı men tabys turaly kümän keltırıp, resmi jalaqynyŋ tömen körsetıluı mümkın ekenın aitqan.
Aita keteiık, Ämır Qasenov pen Äset Mataev «Fridom Finans» ısıne qatysty qozǧalǧan qylmystyq ıs boiynşa sottaluşylar qatarynda. Soŋǧy mälımetterge säikes, sot Qasenovtıŋ būltartpau şarasyn būzuyna bailanysty ony üiqamaqtan qamauǧa alu şarasyna auystyrǧan.
2025 jyly «QazTAG» «Fridom Finans» jäne onyŋ negızın qalauşy Timur Turlovqa qatysty 250-den astam material jariialaǧan. Keiın sot keibır materialdardy jalǧan dep tanyp, olardy terıske şyǧarudy mındettegen.
2025 jyldyŋ jeltoqsanynda «QazTAG» bas direktory Äset Mataev pen bas redaktor Ämır Qasenovke qatysty jalǧan aqparat taratu ısı boiynşa küdıktı märtebesı berılgenı habarlanǧan.
