Eŋbekşıqazaq audanynda referendumǧa aqsaqaldar da, jastar da qatysyp, ūrpaqtar sabaqtastyǧy men olardyŋ arasyndaǧy ajyramas bailanysty aiqyn körsetude.
Esık qalasyndaǧy №125 uchaskede jas otbasy — Aizat Däuke men Ainūr Jūmabai dauys berdı. Bır qyzyǧy, jaqynda ǧana resmi türde nekesın tırkegen jas jūbailar däl osy künı meşıtte neke qiiu räsımın ötkızudı de ūiǧarǧan.
Uchaskege Aizat pen Ainūr qol ūstasyp, quanyşqa toly köŋıl küimen keldı. Otbasy basşysy, APL Construction gazben qamtu kompaniiasynda jūmys ısteitın Aizattyŋ aituynşa, olardyŋ bırge dauys beruı sol künı qabyldaǧan jeke ǧana emes, qoǧamdyq maŋyzy bar şeşımderdıŋ de mänın aiqyndai tüsedı.
— Bügın bız bırge taŋdau jasap otyrmyz. Osy arqyly tek öz taǧdyrymyzdy ǧana emes, bolaşaq balalarymyzdyŋ da bolaşaǧyn aiqyndaimyz. Būl bız üşın öte tolqytatyn sät. Täuelsız Qazaqstannyŋ dūrys baǧytyn qoldap, referendumda dauys bergenımızdı maqtan tūtamyz. Mūndai maŋyzdy oqiǧalar ärbır azamatqa qatysty dep sanaimyz. Būl — bızdıŋ taŋdauymyz ärı jauapkerşılıgımız, — dep bölıstı jas jūbailar.
Komissiia müşelerı jas jūbailardy jyly qarsy alǧannan keiın, olar tırkeu räsımınen ötıp, biulletenderın aldy. Sol sätte uchaskede bolǧan Esıktık tūrǧyndardyŋ aituynşa, olardyŋ bır-bırıne degen ıltipaty men qamqorlyǧy bırden köpşılıktıŋ yqylasyn oiatyp, jüzderıne külkı syilady.
Dauys bergennen keiın Aizat pen Ainūr osy maŋyzdy kündı este saqtau üşın bırge suretke tüstı. Būl sät otbasy üşın erekşe maǧynaǧa ie boldy. Öitkenı ol el bolaşaǧy eŋ ülken buynnan bastap eŋ jas azamattarǧa deiın barlyǧynyŋ qolymen qalyptasatynyn eske salatyn simvoldyq körınıs edı.
Eŋbekşıqazaq audanyndaǧy jas jūbailar otbasylyq ömırdıŋ jaŋa kezeŋın azamattyq boryşyn oryndaumen ūştastyrudy jön kördı. Olar üşın, barlyq qazaqstandyqtar siiaqty, el ömırındegı maŋyzdy sätterden şet qalmai, öz dauys beru qūqyǧyn paidalanu asa maŋyzdy.
