Belgılı käsıpker jäne änşı, Mäjılıs deputaty Däulet Tūrlyhanovtyŋ ınısı Rahat Tūrlyhanov Almatyda qaitadan polisiia bölımıne jetkızıldı. Oǧan taǧy da «otbasylyq janjal şyǧaryp, jūbaiyna qol köterdı» degen aiyp taǧylyp otyr. Būl turaly Almaty qalalyq polisiia departamentı jariialady, dep habarlaidy "Adyrna".
Mälımetke säikes, Medeu audanynda oryn alǧan otbasylyq janjal boiynşa şaqyrtu tüsken. Oqiǧa ornyna jetken tärtıp saqşylary janjalǧa qatysuşylardy audandyq basqarmaǧa jetkızdı.
Äiel adam basynda küieuınıŋ fizikalyq küş körsetkenın aitqan. Keiınnen ol soqqy jegenın joqqa şyǧaryp, tek otbasylyq janjal deregı boiynşa aryz qaldyrǧan. Nätijesınde, Rahat Tūrlyhanovqa qatysty QR ÄQBtK-nıŋ 73-baby 1-bölıgı boiynşa äkımşılık hattama toltyryldy.
Rahat Tūrlyhanov būǧan deiın de äielın ūrǧany üşın bırneşe ret äkımşılık jauapkerşılıkke tartylyp, tıptı 10 täulıkke qamauǧa alynǧan bolatyn. Qūqyq qorǧau organdaryndaǧy derekközderdıŋ habarlauynşa, qazırgı uaqytta oǧan qatysty qylmystyq ıs qozǧau mäselesı qarastyryluda.
