Bışkek qalasynda joǧary lauazymdy memlekettık qyzmetkerdıŋ qazasyna qatysty oqiǧanyŋ män-jaiy anyqtalyp jatyr, dep habarlaidy "Adyrna" ūlttyq portaly.
Aldyn ala mälımetterge süiensek, qaiǧyly jaǧdai qala maŋyndaǧy Chon-Aryq auylynda, banket zalynyŋ janynda bolǧan. 15 nauryz künı keşkı saǧat 23:00 şamasynda jedel järdem qyzmetıne kölık ışınde er adamnyŋ özın atyp öltırgenı turaly habarlama tüsken.
Oqiǧa ornyna jedel-tergeu toby dereu jetıp, marqūmnyŋ jeke basyn anyqtady. Qaza tapqan adamnyŋ Qūbanyşbek Qapalov ekenı belgılı boldy. Ol Qyrǧyzstan bas prokuraturasy janyndaǧy sot oryndauşylary qyzmetı basşysynyŋ orynbasary qyzmetın atqarǧan.
Qūqyq qorǧau organdarynyŋ aldyn ala boljamy boiynşa, şeneunık öz-özıne qol jūmsaǧan.
Qazırgı uaqytta oqiǧanyŋ barlyq män-jaiy jan-jaqty tekserılıp jatyr. Tergeu amaldary jalǧasuda.
