Foto: Däuren Maqsūthanūly, Dosjan Balabekūly.
Almatyda «Ūly Dala keremetterı» etno-fotokörmesı öttı. Nauryz merekesıne orai ūiymdastyrylǧan būl auqymdy mädeni joba 21 nauryzda bastalyp, 23 nauryzǧa deiın jalǧastyy.
Körme Almaty qalasy Muzeiler bırlestıgı men «Fotoöner» qoǧamdyq bırlestıgı tarapynan, Almaty qalalyq Mädeniet basqarmasynyŋ qoldauymen ūiymdastyrylǧan.
Atalǧan joba bırneşe maŋyzdy mereitoilar men atauly künder aiasynda jüzege asty. Atap aitqanda, fotografiia önerınıŋ paida bolǧanyna 200 jyl toluy, Qazaqstan Respublikasy Täuelsızdıgınıŋ 35 jyldyǧy jäne Ūlystyŋ ūly künı – Nauryz meiramy körmenıŋ negızgı taqyryptyq özegın qūraidy.
Etno-fotokörme ūlttyq mūrany zamanaui körkemdık täsılder arqyly tanystyrudy maqsat etedı. Joba tarihi sabaqtastyq, ruhani jaŋǧyru jäne vizualdy mädeniettıŋ damuyn özara bailanystyra otyryp, körermenge tyŋ közqaras ūsynady.
Respublikalyq deŋgeide ūiymdastyrylǧan körmege Almaty, Astana, Şymkent qalalary men özge öŋırlerden 30-dan astam tanymal fotograftar men fotojurnalister qatysuda. Olardyŋ qatarynda Qazaqstannyŋ eŋbek sıŋırgen qairatkerlerı, memlekettık qūrylymdardyŋ resmi fotograftary, sondai-aq ūlttyq jäne käsıbi syilyqtardyŋ laureattary bar.
Körmede aldyn ala ırıkteuden ötken 100-ge juyq etnografiialyq fototuyndy ūsynylǧan. Būl jūmystar qazaq halqynyŋ tūrmys-tırşılıgın, salt-dästürın jäne Ūly Dalanyŋ körkem beinesın keŋınen paş etedı.
Aita keteiık, fotografiia tarihy 1826 jyldan bastau alady. Sol jyly fransuz önertapqyşy Jozef Nisefor Neps alǧaşqy tūraqty fotobeinenı tüsırıp, jaŋa öner türınıŋ negızın qalaǧan bolatyn. Sodan berı fotografiia uaqytty «toqtatatyn» erekşe qūral retınde adamzat mädenietınde maŋyzdy oryn alyp keledı.
Ūiymdastyruşylardyŋ aituynşa, Nauryz – tabiǧattyŋ jaŋaruyn bıldırse, fotografiia – adam jadyn jaŋǧyrtatyn öner. Osy ekı ūǧymnyŋ üilesımı körmenıŋ basty ideiasy retınde ūsynyldy.
