İran parlamentınıŋ spikerı Mohammad Bager Galibaf İslamabad qalasyna resmi saparmen bardy, dep habarlaidy "Adyrna" ūlttyq portaly Al Jadeed News agenttıgıne sılteme jasap.
Mälımetterge säikes, Galibaf Tegerannan arnaiy ūşaqpen Päkıstan astanasynda kelıssözder jürgızuge kelgen.. Sapar barysynda negızgı nazar Ormūz būǧazy töŋıregındegı jaǧdaiǧa audarylǧan.
Päkıstandyq BAQ-tyŋ habarlauynşa, İran ökılı būl mäselenı amerikalyq resmi tūlǧalarmen de talqylaǧan. Sonymen qatar keibır derekterde Galibaftyŋ sapary «AQŞ pen İzraildıŋ rūqsatymen» jüzege asqany aitylǧan. Päkıstannyŋ araaǧaiyndyǧymen İran-Amerika kelıssözı turaly da jiı aitylady.
Alaida būl aqparattyŋ resmi türde rastalǧany nemese terıske şyǧarylǧany turaly naqty mälımet berılmegen. Sapardyŋ negızgı maqsaty aimaqtaǧy şielenıske bailanysty qauıpsızdık pen logistikalyq mäselelerdı talqylau bolǧany atap ötılude.
Aita keteiık, būǧan deiın AQŞ prezidentı İranmen Taiau Şyǧystaǧy arazdyqty tolyq jäne tüpkılıktı şeşu mäselesı boiynşa öte jaqsy ärı nätijelı kelıssözder jürgızgenı turaly jazǧan edı.
