Qazaqstan men Reseidıŋ bırlesken «Bäiterek» jobasy aiasynda josparlanǧan «Sūŋqar» zymyranyn starttyq keşenge şyǧaru merzımı keiınge qaldyryldy, dep habarlaidy “Adyrna” ūlttyq portaly.
Aldyn ala jospar boiynşa 24 nauryzǧa belgılengen zymyrandy №45 alaŋǧa şyǧaru jūmystary endı 26 nauryzǧa auystyryldy. Osyǧan bailanysty alǧaşqy synaq ūşyru künı de özgerdı.
Mamandardyŋ mälımetınşe, «Sūŋqar» zymyranynyŋ ūşu synaǧy 29 nauryz künı Astana uaqytymen saǧat 16:00-de ötedı dep josparlanyp otyr. Qajet bolǧan jaǧdaida qosymşa tekserıster jürgızılıp, ūşyru merzımı 30 nauryz ben 3 säuır aralyǧyndaǧy rezervtık künderge şegerıluı mümkın.
«Bäiterek» ǧaryştyq zymyran keşenı – Qazaqstan men Reseidıŋ bırlesken jobasy. Onyŋ basty maqsaty – ekologiialyq tūrǧydan qauıpsız otyn qoldanatyn jaŋa buyn zymyrandaryn ūşyruǧa arnalǧan infraqūrylym qalyptastyru. Joba 2004 jyly bastalyp, 2005 jyly resmi türde ıske qosylǧan.
Bastapqyda būl keşende «Angara» zymyranyn paidalanu josparlanǧan. Alaida keiın būl jospar özgerıp, «Sūŋqar» zymyrany taŋdaldy. Ol būryn «Zenit» keşenıne tiesılı infraqūrylymdy jaŋǧyrtu arqyly ıske asyrylady.
