Ótken aptada bespılotnık “Akinci” test synaǵynan ótti. Reseıdiń “Panır” áýe qorǵanys júıesin talqandady. Salmaǵy 5,5 tonna bolatyn, 1300kg bombalaýshy raketalardy alyp ushatyn bul bespılotnık Qarabaqta qoldanylǵan “Bayraktar TB2” bespılotnıginen tehnıkalyq múmkindigi áldeqaıda jetildirilgen qarýdyń zamanaýı túri. “Panırdi” bombalaýda Túrkııanyń basqa bir kompanııasy “Roketsan” jasap shyǵarǵan raketalar qoldanylǵan.
Aıta ketý kerek Qarabaq soǵysynda “Bayraktar TB2” bespılotnıkteri soǵystyń alǵashqy 24 kúninde Armenııanyń 114 tankisin joıyp jibergen. Qarabaq soǵysynda Armenııanyń jalpy sany 44 brondy transporty, 141 artıllerııa qarýy, 249 árkerı kólikteri men 44 áskerı qoımalary “Bayraktar TB2” tarapynan joıylǵan.
44 kúngi soǵysta jalpy sany 9 “Bayraktar TB2” bespılotnıgi atyp túsirilgen. Aıyrmashylyq kórinip tur.
XXI ǵasyrda soǵys taktıkasy ózgerip jatyr. Halyqaralyq saıasatta Túrkııa syndy jańa aımaqtyq dejavalar paıda bolýda. Oıyn sharttary ózgerýde. Munyń bári kóp elderdi áskerı doktrınalaryn qaıta qaraýǵa, zamanaýı qarýlarmen jaraqtanýǵa ıtermeleýde. Qazir Túrkııamen bespılotnıkter satyp alýǵa Ýkraına, Saýd-Arabııasy syndy alys-jaqyn elder kelisimge kelýde.
Bizge de oılaný kerek shyǵar. Álemniń toǵyzynshy terrıtorııasyn qorǵaıtyn zamanaýı qarýdyń bir bóligin ózimiz de shyǵarýymyz qajet qoı. Kópvektorly saıasat ta búgin jaraǵanymen erteń sharttar ózgerýi múmkin. “Qazaqqa tıseń ózińe de ońaı bolmaıdy” degen deńgeıge kelmeı bolmaıdy. Bir jaǵdaı bolsa atpen tý ustap shapqanymyz kómektespeıdi ǵoı endi. Atpen jerdi qorǵaımyz dep XVIII ǵasyrda babalarymyz da zeńbirekke qarsy shapty. Jeńildi. Qazir tembolee jylqymen shabý kómektespeıtin ǵasyrdamyz. Tarıhtan qorytyndy shyǵarý qajet. Nege bodan boldyq, ne úshin utyldyq degen durys, realı suraqtar qoıylýy tıis. “Biz myqtymyz” degen jalǵan uran men anaý da mynaý romantıkalyq áńgimelerdi qoıý kerek bizge. Bala qoǵamnyń áńgimesin aıtyp osy ýaqytqa deıin bala bolǵanymyz da jeter endi.
Baýyrjan SERIKBAEV
