Prezident Qasym-Jomart Toqaev elımızge jūmys saparymen kelgen Resei ükımetınıŋ töraǧasy Mihail Mişustinmen kezdestı. Būl turaly 26 nauryzda Aqordanyŋ baspasöz qyzmetı jazdy, dep habarlaidy «Adyrna» tılşısı.
Kezdesude Qazaqstan men Resei arasyndaǧy strategiialyq serıktestıktıŋ jäne odaqtastyq qarym-qatynastyŋ nyǧaiyp kele jatqany atap ötıldı. Sondai-aq özara tiımdı dialog pen joǧary deŋgeide qol jetkızılgen uaǧdalastyqtardy ıske asyru qarqyn alǧanyna nazar audaryldy.
Memleket basşysynyŋ aituynşa, Mihail Mişustinnıŋ Şymkent qalasynda ötetın Euraziialyq ükımetaralyq keŋes otyrysyna jäne Sifrlyq forumǧa qatysuy Qazaqstan-Resei bailanystarynyŋ airyqşa sipatyn jäne ony odan ärı örıstetuge qos taraptyŋ ūmtylysyn taǧy da rastaidy.
«Ekıjaqty ekonomikalyq yntymaqtastyqtyŋ qalai damyp kele jatqany özıŋızge mälım. Qazırdıŋ özınde qūny 25 milliard dollarǧa juyq 122 ırı joba ıske asyryldy. Sauda kölemı 30 milliard dollarǧa jaqyndady. Būl jaqsy nätije deuge bolady. Resei bızdıŋ negızgı sauda-ekonomikalyq, investisiialyq serıktesımız sanalady. Būǧan ärine, quanyştymyz»,– dedı Qasym-Jomart Toqaev.
Äŋgımelesu barysynda Resei Federasiiasynyŋ Prezidentı Vladimir Vladimirovich Putinnıŋ Qazaqstanǧa jasaityn memlekettık saparyna daiyndyq mäselelerıne basa män berıldı.
Memleket basşysy Astana aldaǧy sapardy ekı el arasyndaǧy strategiialyq serıktestık pen odaqtastyq qatynastardy odan ärı damytuǧa tyŋ serpın beretın öte maŋyzdy şara retınde qarastyratynyn jetkızdı.
Prezidenttıŋ aituynşa, äzırlık jūmystary aiasynda san qyrly yntymaqtastyq taǧy da pysyqtaldy.
