Qazaqstan Respublikasy Syrtqy ıster ministrı Ermek Köşerbaev İran İslam Respublikasy Syrtqy ıster ministrı Abbas Arakchimen telefon arqyly söilestı, dep habarlaidy "Adryrna".
Taraptar Taiau Şyǧystaǧy qazırgı jaǧdaidy talqylap, ekıjaqty yntymaqtastyqtyŋ özektı mäselelerı boiynşa pıkır almasty.
Sūhbat barysynda Köşerbaev irandyq ärıptesıne İran töŋıregındegı jaǧdaiǧa bailanysty alaŋdauşylyq bıldırıp, osydan būryn Qazaqstan Prezidentı Qasym-Jomart Toqaev mälımdegendei Qazaqstan tarapy Türkıstan qalasyn beibıt kelıssözder ötkızuge alaŋ retınde ūsynuǧa daiyn ekendıgın rastady.
Sonymen qatar, taraptar ekıjaqty qatynastardyŋ özektı mäselelerı boiynşa dialogty jalǧastyruǧa kelıstı.
Aita ketsek, būǧan deiın Päkıstan AQŞ pen İzraildıŋ İranǧa qarsy soǧysyn toqtatu maqsatyndaǧy kelıssözderge alaŋ ūsynuǧa daiyn ekenın aitqan bolatyn. Būl turaly 24 nauryzda el premer-ministrı Şahbaz Şarif mälımdedı.
Ol İslamabadtyŋ Taiau Şyǧystaǧy soǧysty toqtatu maqsatynda jürgızılıp jatqan dialogty tolyq qūptaitynyn jetkızdı.
«AQŞ pen İran kelısım bergen jaǧdaida, Päkıstan mazmūndy ärı tüpkılıktı kelıssözderdı ötkızuge järdemdesu üşın qabyldauşy tarap boluǧa daiyn jäne mūny özı üşın ülken märtebe sanaidy. Būl kelıssözder jalǧasyp jatqan qaqtyǧysty jan-jaqty retteuge baǧyttalady», – dep jazǧan Şahbaz Şarif.
Qazaqstan prezidentı Qasym-Jomart Toqaev ta 21 nauryzda Taiau Şyǧys kelıssözıne Türkıstandy alaŋ retınde ūsynǧan bolatyn. Ol Qazaqstannyŋ qaqtyǧys aimaǧyna jaqyn öŋırde ornalasqanyn atap ötıp, eldıŋ beibıt ūstanymdy qoldaitynyn jetkızgen.
