Jelı qoldanuşylary Almaty qalasyna basqa oblystardan polisiia patrulderı tartylǧany turaly aqparat taratty. Işkı ıster ministrlıgı būl jaǧdaiǧa tüsınıkteme berdı, dep habarlaidy «Adyrna» tılşısı.
«Äl-Farabi daŋǧyly boiymen 01, 03, 09 öŋırlerıne tiesılı patruldık polisiia kolonnasymen qatar jürdım», – dep jazdy Threads qoldanuşylarynyŋ bırı.
IIM mälımetınşe, būl – qūqyqtyq tärtıp pen jol qauıpsızdıgın qamtamasyz etuge baǧyttalǧan josparly ıs-şaralar.
«Işkı ıster ministrlıgı tarapynan qūqyqtyq tärtıp pen jol qauıpsızdıgın qamtamasyz etu maqsatynda josparly ıs-şaralar tūraqty türde ötkızılıp keledı. Mūndai täjıribe jüielı sipatqa ie jäne eldıŋ barlyq öŋırınde jedel ärı kriminogendık jaǧdaiǧa qarai jüzege asyrylady. Qajet bolǧan jaǧdaida jekelegen öŋırlerge praktikalyq kömek körsetu jäne profilaktikalyq jūmysty küşeitu üşın qosymşa bölımşeler jıberıledı. Negızgı maqsat – jedel jaǧdaidy tūraqtandyru, qūqyq būzuşylyqtardyŋ aldyn alu jäne jol qozǧalysyna qatysuşylardyŋ tärtıbın arttyru», – delıngen habarlamada.
Ministrlık barlyq ıs-şara qoldanystaǧy zaŋnama aiasynda qataŋ türde jüzege asyrylatynyn da atap öttı.
Eske salaiyq, 21 nauryzda Almaty qalasynyŋ äl-Farabi daŋǧylynda jantürşıgerlık jol apaty bolǧan edı. Mercedes pen Zeekr kölıkterınıŋ soqtyǧysuy saldarynan 3 adam mert boldy. Osy oqiǧadan keiın Işkı ıster ministrı departamenttegı bıraz adamdy ornynan bosatty.
