Almaty äkımı Erbolat Dosaev äleumettık-mädeni keŋıstıktıŋ teŋ avtory Däuren Töleevpen, basqaruşy serıktester Rustam Qojaǧaliev jäne Nafisat Ermaǧambetovamen qalanyŋ kreativtı industriialaryn damytu perspektivalaryn talqylady, dep habarlaidy "Adyrna" tılşısı.
Bärıbaev köşesı, 36-şy üi «36-şy üi» - alaŋy 1,5 myŋ şarşy metrden asatyn zamanaui kreativtı keŋıstık, mūnda öner men mädeniet salasyndaǧy jobalar men baǧdarlamalar jüzege asyrylady. Joba 13 tūraqty rezidenttı, säulet biurosyn, balet mektebın, bılım beru qyzmetın, onyŋ ışınde NEET jastaryn oqytatyn, muzykalyq aspaptarda oinaudy üiretetın üiırmelerdı jäne basqalardy bırıktıredı.
«36-şy üi» jobasy 2020 jyldyŋ säuır aiynda ıske qosyldy jäne bügınde kreativtı industriia ökılderı üşın özındık tartylys ornyna ainaldy. Qysqa merzım ışınde jobany ūiymdastyruşylar 100 – ge juyq türlı ıs-şaralardy - körmeler, konsertter, vernisajdar, teatr qoiylymdaryn, festivaldardy, tälımgerlık jäne biznestı damytu baǧdarlamalaryn jäne taǧy basqalaryn ötkızdı. Atalǧan şaralarmen jalpy 25 myŋnan astam adam qamtyldy.Kezdesu barysynda äleumettık-mädeni keŋıstıktıŋ ökılderı qala basşysyna jobanyŋ auqymyn ūlǧaitudy, iaǧni Almatynyŋ basqa da audandarynda jaŋa kreativtı keŋıstıkter qūrudy ūsyndy.
Erbolat Dosaev būl ideiany qoldady, sondai-aq joba rezidentterın perspektivaly qalalyq jobalardy, qoǧamdyq keŋıstıkterdı, onyŋ ışınde olardy tūjyrymdama satysynda äzırleuge qatysuǧa şaqyrdy, sondai-aq Almaty qalasy äkımdıgınıŋ arnaiy baǧdarlamalary aiasynda jastardy oqytuǧa qatysudy ūsyndy.
Qazırgı uaqytta Almatyda kreativtı industriia salasynda 27 200 käsıporyn tırkelgen, onyŋ ışınde jūmys ıstep tūrǧandary – 22 020. 2017 jyldan berı aqparattyq jüielerdı jobalau, baǧdarlamalyq qamtamasyz etu, veb-portaldardy äzırleu, muzyka, kinoindustriia, jarnama, marketing, bılım beru jäne mädeniet salasyndaǧy kreativtı qyzmettıŋ edäuır öskenın körsettı.
Ūqsas jaŋalyqtar
