23-24 säuırde Taraz qalasyndaǧy «Köne Taraz» tarihi-etnomädeni keşenınde «Taraz – qolönerşıler qalasy» Halyqaralyq qolönerşıler festivalı ūiymdastyrylady.
Ūlttyq festivaldı ötkızudegı negızgı maqsat – öŋırdıŋ turistık imidjın köteru, otandyq qolönerşılerdı halyqaralyq deŋgeide tanymal etu, şeteldık jäne jergılıktı qolönerşıler arasynda dostyq qarym-qatynas pen yntymaqtastyq ornatu, täjıribe almasu, sondai-aq, kenje qalyp bara jatqan ejelgı qolöner türlerın saqtau jäne qaita jaŋǧyrtu.
Festivalǧa şetelden (Qyrǧyzstan, Özbekstan, Täjıkstan), körşı öŋırlerden (Almaty, Türkıstan) keletın jäne jergılıktı 100-den astam şeber qatysady.
Festival aiasynda körermenderge erekşe köŋıl küi syilau maqsatynda «Taraz – qolönerşıler qalasy. Dästür men zamanaui qolöner» taqyrybynda ǧylymi-praktikalyq konferensiia, qolöner būiymdarynyŋ körmesı men şeberlık saǧattary, «Menıŋ älemım: qiial men şynaiylyq» atty jas qolönerşıler men suretşılerdıŋ körmesı ötedı.
Odan bölek sän men dästürdı toǧystyratyn «ASPARA FASHION WEEK» halyqaralyq sän aptalyǧy, «Ginnes» rekordtar kıtabyna engen kiızdıŋ janynda «Dombyra Party» ıs-şarasy, ūlttyq naqyştaǧy kiımderdıŋ sän körsetılımı jäne öner jūldyzdarynyŋ gala-konsertı ūiymdastyrylady.
Festivalge qatysuşy qonaqtarǧa körme būiymdaryn satyp aluǧa jäne Taraz qalasyndaǧy tarihi-mädeni oryndarǧa ekskursiia jasauyna tolyq mümkındık qarastyrylǧan.
Būl künderı Taraz ūlttyq dästür men şalqyma şabyttyŋ toǧysqan ortaq mekenıne ainalmaq.
