AQŞ pen İran kelısımge kele almady. Būl turaly AQŞ-tyŋ vise-prezidentı Djei Di Vens baspasöz mäslihatynda mälımdedı, dep habarlaidy "Adyrna".
Onyŋ aituynşa, Vaşington Tegeran äzırge özınıŋ iadrolyq baǧdarlamasynan bas tartuǧa daiyn emes dep esepteidı.
İslamabadta ötken üş raund kelıssözderge qaramastan, taraptar ortaq şeşımge kele almady. BAQ mälımetınşe, kezdesuler barysynda Ormuz būǧazy, iadrolyq baǧdarlama, ötemaqy, sanksiialardy alyp tastau jäne öŋırlık qaqtyǧystardy retteu mäselelerı talqylanǧan.
«Jaman jaŋalyq– bız kelısımge kele almadyq. Menıŋ oiymşa, būl İran üşın AQŞ-qa qaraǧanda tiımsız», – dep atap öttı Vens.
Al İran Syrtqy ıster ministrlıgınıŋ ökılı İsmail Bagai İslamabadtaǧy nätijesız ötken kelıssözderden keiın Tegeran AQŞ-pen bır ǧana kezdesude kelısımge keledı dep bastapqyda kütpegenın mälımdedı.
«Bır raund aiasynda kelısımge kelmeu – qalypty jaǧdai», – dedı ol.
Sondai-aq, Bagai Päkıstanmen jäne aimaqtaǧy basqa eldermen bailanystar jalǧasatynyn atap öttı.
Osy jaǧdai aiasynda Parsy şyǧanaǧy aimaǧyndaǧy myŋdaǧan mūnai tankerlerı üşın Ormuz būǧazy jabyq küiınde qaluy mümkın. Būǧan deiın Donald Tramp İranǧa keme qatynasyn būǧattaǧan jaǧdaida «auyr saldarlar» bolatynyn eskertken edı.
