Rim Papasy XIV Lev AQŞ prezidentı Donald Tramp tarapynan aitylǧan synǧa qaramastan, beibıtşılıkke şaqyruyn toqtatpaitynyn mälımdedı. Ol halyqaralyq qauymdastyqty soǧystardy toqtatyp, dialog pen kelıssözderge köşuge ündedı, dep habarlaidy “Adyrna”.
Rim papasynyŋ aituynşa, qazırgı älemde qaruly qaqtyǧystardyŋ saldarynan beibıt tūrǧyndar köp zardap şegude. Ol memleketter arasyndaǧy mäselelerdı şeşudıŋ jalǧyz dūrys joly – köpjaqty yntymaqtastyq pen aşyq dialog ekenın atap öttı.
«Men soǧysqa qarsy batyl türde söileudı jalǧastyramyn. Bügınde tym köp jazyqsyz adam qaza tabuda. Bıreu şyǧyp, būdan da jaqsy jol bar ekenın aituy tiıs», – dep onyŋ sözın Vatican News keltıredı.
Ol öz ündeuınde tek Donald Trampqa ǧana emes, barlyq älem köşbasşylaryna jügınıp, soǧystardy toqtatuǧa jäne beibıtşılık pen tatulasu jolynda bırlesıp jūmys ısteuge şaqyrdy.
Sonymen qatar, Rim Papasy özınıŋ dıni missiiasyna adal ekenın aityp, qandai da bır saiasi qysymnan qoryqpaitynyn jetkızdı. Onyŋ pıkırınşe, Şırkeudıŋ basty mındetı – Injıldegı beibıtşılık pen adamgerşılık qūndylyqtardy nasihattau.
«Men Tramp äkımşılıgınen qoryqpaimyn jäne Injıldıŋ ündeuın aşyq aitudan taiynbaimyn», – dep atap öttı ol.
Aita keteiık, būǧan deiın Donald Tramp Rim Papasynyŋ İran töŋıregındegı jaǧdaiǧa qatysty ūstanymyn qataŋ synǧa alǧan bolatyn. Ol Papanyŋ közqarasymen kelıspeitının bıldırıp, bırqatar ötkır mälımdemeler jasaǧan.
Soŋǧy aptalarda Rim Papasy XIV Lev Taiau Şyǧystaǧy şielenıstıŋ küşeiuıne alaŋdauşylyq bıldırıp, taraptardy qaqtyǧysty uşyqtyrmai, kelıssöz üstelıne otyruǧa şaqyryp keledı.
