Almaty metrosynda jolauşylar qauıpsızdıgın arttyru maqsatynda platformalyq esıkter ornatu jobasy qolǧa alyndy, dep habarlaidy "Adyrna" ūlttyq portaly.
Jobaǧa säikes, metro stansiialaryna şynydan jasalǧan arnaiy qorşaular qoiylady. Olar poiyz kelgen kezde avtomatty türde aşylyp, jolauşylardy relske qūlap ketuden qorǧaidy. Sonymen qatar, būl jüie şu men şaŋ deŋgeiın azaituǧa mümkındık beredı.
Jalpy qūny 7,1 mlrd teŋgeden asatyn joba metronyŋ bırınşı jelısındegı barlyq stansiialardy qamtidy. Atap aitqanda, «Raiymbek batyr» stansiiasynan «Bauyrjan Momyşūly» stansiiasyna deiıngı aralyqta ornatylady. Al 2026 jyldyŋ soŋynda aşu josparlanǧan «Qalqaman» stansiiasy būl tızımge enbegen.
Qūrylys jūmystary metro jūmysy toqtaityn tüngı uaqytta jürgızıledı. Merdıger jūmystardy biudjetten qarjy bölınuıne qarai kezeŋ-kezeŋımen atqarady. Jobany tolyq aiaqtau merzımı – 2027 jyldyŋ 31 jeltoqsany.
Kelısımşart talaptaryna säikes, merdıger barlyq baǧdarlamalyq qamtamasyz etudı jäne tehnikalyq qūjattamany tapsyruy tiıs. Sondai-aq ornatylǧan jabdyqtyŋ kemınde 10 paiyzy kölemınde qosalqy bölşekter qoryn qamtamasyz etıp, anyqtalǧan aqaulardy öz esebınen tüzetuge mındettı.
