Almaty oblysy Qonaev qalalyq sotynda «Şaŋyraq» qoǧamdyq bırlestıgınıŋ jetekşısı Almasbek Sadyrbai men taǧy alty adamǧa qatysty sot prosesı bastaldy. Olar alaiaqtyq, qylmystyq jolmen alynǧan aqşany zaŋdastyru jäne ūiymdasqan qylmystyq topqa qatysu baptary boiynşa aiyptalyp otyr, dep habarlaidy «Adyrna» tılşısı QazTAG-qa sılteme jasap.
Istı sudia Nūrsūltan Qoişybaev qarap jatyr. Sottaluşylarǧa QR QK-nıŋ 190-baby (alaiaqtyq), 262-baby (ūiymdasqan topty, qylmystyq ūiymdy qūru jäne oǧan basşylyq etu, sondai-aq oǧan qatysu), 218-baby (qylmystyq jolmen alynǧan aqşa men özge de mülıktı zaŋdastyru) boiynşa aiyp taǧylǧan.
Qaraşa aiynda Sadyrbai men taǧy alty adamǧa qatysty qylmystyq ıstıŋ tergeuı aiaqtalǧany aitylǧan edı. 2024 jylǧy 6 qaraşada Qarjylyq monitoring agenttıgınıŋ baspasöz qyzmetı Sadyrbai 1,2 mlrd teŋge kölemındegı subsidiialardy jymqyru jäne alaiaqtyq jasady degen küdıkke ılıngenın habarlaǧan.
Būǧan deiın QazTAG qamauda otyrǧan Sadyrbai özıne qatysty qylmystyq ıs boiynşa jasandy intellekt kömegımen prezident Qasym-Jomart Toqaevqa ündeu jasaǧanyn jazǧan. Būl videoündeu äleumettık jelılerde jariialanǧan. Sol kezde Sadyrbai «bır jyl boiy oŋ özgerıs bolady dep ümıttenıp, ünsız şydap, şaǧymdanbaǧanyn» aitqan. Mätınmen qatar berılgen ündeude onyŋ kınäsın däleldeitın bırde-bır aiǧaq joq ekenı körsetılgen. Sadyrbai özıne qatysty jaǧdaidyŋ sebebı qoǧamdyq qyzmetımen bailanysty dep sanaidy. Ündeude soŋǧy uaqytta fermerlerdıŋ mäselelerın köterıp, azyq-tülık qauıpsızdıgı turaly aityp, syn pıkırler bıldırgenı atap ötıledı.
Eske salaiyq, Sadyrbai 2025 jyldyŋ qaraşa aiynda ūstalǧan.
