Qoǧamnyŋ ornyqty damuy men azamattardyŋ qauıpsız ärı tūraqty ömır süruı eŋ aldymen zaŋ üstemdıgıne, qoǧamdyq tärtıptıŋ saqtaluyna jäne ärbır azamattyŋ jauapkerşılık ūstanymyna tıkelei bailanysty. Qūqyqtyq mädenietı joǧary, sanaly ärı belsendı jastar – ädılettı qoǧamnyŋ basty tıregı. Osy maqsatta Qazaqstan Respublikasynyŋ jaŋa Konstitusiiasyn ılgerıletu aiasynda «Legal Talk: aşyq mikrofon» formatyndaǧy jastar forumy ūiymdastyryldy.
Atalǧan forum jastar men memlekettık organdar arasynda aşyq dialog ornatuǧa, qūqyqtyq sauattylyqty arttyruǧa jäne qoǧamdaǧy özektı qūqyqtyq mäselelerdı bırlesıp talqylauǧa baǧyttalǧan maŋyzdy alaŋǧa ainaldy.
Forumnyŋ basty erekşelıgı – aşyq mikrofon formaty boldy. Būl format qatysuşylarǧa öz oilaryn erkın jetkızuge, kökeiındegı sūraqtaryn tıkelei sala mamandaryna qoiuǧa jäne naqty ärı tüsınıktı jauap aluǧa mümkındık berdı. Is-şara barysynda zaŋ men tärtıp, qoǧamdyq qauıpsızdık, jastardyŋ qūqyqtary men mındetterı, internet keŋıstıgındegı qauıpter jäne qūqyq būzuşylyqtardyŋ aldyn alu mäselelerı keŋınen talqylandy.
Forumǧa Jetısu oblysynyŋ prokurory B. Jūmaqanov, Jetısu oblysy äkımınıŋ orynbasary M. Kölbaev, Jetısu oblysy Polisiia departamentınıŋ basşysy S. Qūsaiynov, Jetısu oblysynyŋ Ädılet departamentınıŋ basşysy J. Beksūltan, Jetısu oblysynyŋ Ekonomikalyq tergep-tekseru departamentı basşysynyŋ orynbasary M. Qūrbanov qatysty.
Sala mamandary jastarmen erkın pıkır almasyp, öz täjıribelerımen bölısıp, qūqyqtyq mädeniettı qalyptastyrudyŋ negızgı baǧyttaryna toqtaldy. Būl öz kezegınde jastardyŋ qūqyqtyq mäselelerge qyzyǧuşylyǧyn arttyryp, taqyrypty jeŋıl ärı tüsınıktı formatta qabyldauyna yqpal ettı.
Atalǧan forumǧa 200-ge juyq jas qatysty. Is-şara jastardyŋ azamattyq ūstanymyn nyǧaituǧa, zaŋǧa qūrmetpen qarau mädenietın qalyptastyruǧa jäne qoǧamdyq tärtıptı küşeituge baǧyttalǧan jüielı jūmystardyŋ maŋyzdy bır bölıgı boldy. Forum pıkır almasu alaŋy ǧana emes, jauapty ärı sanaly qoǧam qalyptastyru jolyndaǧy naqty qadam retınde baǧalandy.
