Tarihşy, audarmaşy, jas ǧalym Ömırbek Qanai 1918 jyly qoljazba küiınde aǧylşyn tılıne betpe-bet audarylǧan Alaş ardagerlerınıŋ taŋdamaly şyǧarmalar jinaǧyn tapqanyn mälımdedı. Ol būl turaly äleumettık jelıde jariialady, dep habarlaidy "Adyrna".
Ǧalymnyŋ aituynşa, būl – qazaq ädebietınıŋ Europaǧa jetken eŋ alǧaşqy nūsqalarynyŋ bırı.
Atalǧan jinaqqa Ahmet Baitūrsynūly, Halel Dosmūhamedov, Spandiiar Köbeev jäne özge de Alaş ziialylarynyŋ şyǧarmalary engızılgen. Qoljazba sol kezeŋde aǧylşyn tılıne tıkelei audarylyp, Europa oqyrmanyna ūsynyluǧa daiyndalǧan.
Ömırbek Qanaidyŋ sözınşe, sirek mūra ötken küzde Germaniiaǧa jasaǧan ıssapary barysynda tabylǧan. Ǧalym qūjattyŋ elektrondy köşırmesın jasap, elge alyp kelgen.
"Ötken küzde Germaniiaǧa barǧan ıssaparymda ızdep tauyp, elektrondy köşırmesın öz qolymmen jasap, alyp kelgen edım. Aldaǧy uaqytta el igılıgıne ūsynamyz", - dedı tarihşy.
Qazırgı uaqytta tarihi eŋbektı ǧylymi tūrǧyda zerdeleu jūmystary jürgızılude.
